‘Wittes is erger as Hitler’

Mcebo Dlamini Foto: Facebook

Mcebo Dlamini Foto: Facebook

Wit Suid-Afrikaners is erger as Hitler. Dit is volgens Mcebo Dlamini, geskorste studenteraadsvoorsitter van die Universiteit van die Witwatersrand.

Dlamini het verlede maand vir ʼn opskudding gesorg toe hy op sy Facebook-blad geskryf het dat hy Adolf Hitler bewonder vir sy “charisma en organisatoriese vaardighede” en dat daar ʼn element van Hitler in alle wit mans is. Dlamini is kort hierna geskors.

Dlamini het in ʼn onderhoud met News24 gesê Blade Nzimande, minister van hoër onderwys, is anti-swart, dat Wits ʼn “Animal Farm” is en dat hy nooit vir die vaders van die “arrogante Sionistiese Joodse kinders” sal werk nie.

Volgens Dlamini is Wits ʼn “Animal Farm” aangesien sommige “diere” beter is as ander. Hy beskuldig die universiteit daarvan dat hulle hul beywer om “wit heerskappy” te handhaaf ten koste van swart denkers.

Dlamini het gesê hy het veral op sosiale media erg onder skoot gekom ná sy uitlatings oor Hitler en dat mense vir hom gevra het of hy dink hy ʼn werk sal kan kry weens sy uitlatings. “Ek is ʼn politikus. Ek studeer nie om werk te kry nie. Ek studeer nie om werk, meestal by ʼn wit man, te kry nie. Ek sien hierdie arrogante Sionistiese Joodse kinders skryf op Twitter en vra waar ek gaan werk kry. Ek gaan nie in diens geneem word deur hulle vaders nie, want die geld wat hulle my mee sal betaal het die bloed van die Palestynse kinders op. My gewete sal my nie toelaat om dit te doen nie…”

Dlamini het gesê sy doel en rol as ʼn leier is om swart trots in ander te motiveer en te inspireer. “Swart mense besit niks nie, ons het niks nie. Ons besit nie die grond nie, ons besit nie middele van vervaardiging nie, die enigste ding wat ons swart mense vandag het is ons brein. En in elk geval het Adolf Hitler wit liggame vermoor, hy het swart liggame ook vermoor. Suid-Afrikaanse wit mense maak swart denke dood, hulle is erger as Adolf Hitler.”

Klik hier vir die volledige onderhoud.

News24

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

27 Kommentare

jongste oudste gewildste
antjie

Ag rerig….. shame die ou het regtig nie juis iets tussen die ore nie……

Maryke

Mnr Dlamini het duidelik nog geen tersiere onderrig gehad by WITS nie. Wonder watse “studente” het hom gekies? Hierdie outjie moet duidelik terug gaan skool toe want hy het nog niks geleer nie.

Nadia Verster

Ha ha baie goed gesê Natascha!

Hanalei

Boeta… jyt nou nie mooi gedink nie. Ek werk vir dit wat ek in die lewe wil he, niks word in my skoot neergeplak nie. Lig jou stert en werk vir grond besit, want dis wat ek gedoen het.

Theresa

Amazing – Hierdie spul kan altyd so hap na wind. Siestog, dit moet seker maar moeilik wees as jy so stupid is dat jy nie besef wat regtig om jou aangaan nie en so moet jy maar so deur die lewe gaan. Praat twak om net bietjie aandag te kry. Die hele spul is dieselfde.