‘n Vrou van Harare stem in die Zimbabwiese verkiesing. Mense moes ure lank in lang toue wag vir stempunte om te open in nog ‘n chaotiese verkiesing. (Foto: John Wessels/AFP)
Die VSA het die Zimbabwiese owerheid daarvan beskuldig dat hy die verkiesing ondermyn deur verkiesingswaarnemers in hegtenis te neem. Die Amerikaners het ook geëis dat die waarnemers dadelik vrygelaat moet word.
Die polisie in Zimbabwe sê 41 plaaslike waarnemers is in hegtenis geneem en daar is beslag gelê op hul rekenaars en selfone in veelvuldige klopjagte terwyl stemmery vir ʼn tweede dag plaasgevind het weens probleme by kiespunte. Volgens die polisie het die waarnemers die toerusting gebruik om onregmatig verkiesingsyfers en -uitslae by te hou en dat hul optrede “ondermynend” en “misdadig” is.
“Die polisieklopjag op die burgerlike samelewing wat die verkiesing regmatig dophou demonstreer die Zimbabwiese regering se gebrek aan respek vir vrye en regverdige verkiesings,” het Matthew Miller, woordvoerder van die Amerikaanse departement van buitelandse sake, op X geskryf.
“Ontsteld deur dít wat hulle sal doen om hul eie verkiesing se geloofwaardigheid te ondermyn,” het hy opgemerk.
Die Amerikaanse Agentskap vir Internasionale Ontwikkeling (USAID), wat saam met sommige burgerlike organisasies in Zimbabwe werk, sê die owerhede weerspreek hul eie versekering dat die verkiesing waargeneem mag word.
“Ons doen ʼn beroep op die Zimbabwiese regering om dadelik al hierdie mense vry te laat, hul eiendom terug te gee en toe te laat dat verkiesingswaarnemers hul werk ongehinderd voortsit,” het Jessica Jennings, USAID-woordvoerder, gesê.
“Dit is ʼn kommerwekkende verwikkeling vir menseregte in Zimbabwe en ondermyn demokrasie en respek vir menseregte.”
Nelson Chamisa (45), die land se opposisieleier wat onderneem het om korrupsie te takel, hoop om Zanu-PF, wat sedert onafhanklikheidswording in 1980 die land regeer, in hierdie verkiesing te ontsetel.
Fellow Citizens; Thank you for your courage, sacrifice and support. We witnessed the most challenging and abusive electoral environment on Wednesday. Despite all the impediments you stood your ground. No matter what they try to do, you have done it. We shall overcome!
— nelson chamisa (@nelsonchamisa) August 25, 2023
Minder as ʼn kwart van die stempunte in Harare – tradisioneel ʼn opposisievesting – het egter Woensdag betyds geopen, met verkiesingsowerhede wat die skuld hiervoor op vertragings met die druk van stembriewe gepak het.
Die probleme het pres. Emmerson Mnangagwa, wat hoop om vir ʼn tweede termyn verkies te word, gedwing om stemmery met ʼn dag te verleng. By talle stempunte het Zimbabwiërs ure lank in toue gewag om hul kruisies in die presidensiële, wetgewende en munisipale verkiesing te trek.
Patrick Chinamasa, tesourier van Zanu-PF, het egter volgehou die getal kiespunte wat nie betyds geopen het nie, is onbeduidend en sal nie enige afbreuk doen aan die geloofwaardigheid van die verkiesing nie.
NET DIE HERE KAN ORDE DAAR BRING. KOM ONS BID VIR HIERDIE LAND OOK.
Sal nie help nie.
Hoekom stuur hulle nie eerder ‘n paar pastore van die ZCC, Zebediela Country Club om te gaan probeer nie?
Amen
Most Zimbabweans are Christians. Statistics estimate that 74.8% identify as Protestant (including Apostolic – 37.5%, Pentecostal – 21.8% or other Protestant denominations – 15.5%), 7.3% identify as Roman Catholic and 5.3% identify with another denomination of Christianity. Help hulle nie veel nie doen dit
Ek wonder waarvoor doen hulle nog moeite om verkiesings te hou in Zimbaapwe. Daar word in ieder geval verkiesingsbedrog gepleeg, die verkiesings ondermyn, lede van die opposisie deur die ZimPol geteiken en verkiesingsmoniteerders in hegtenis geneem.
Ons voorland vir 2024?
Daar is nie n land wat nie verkiesings bedrog pleeg nie
En so sal SA weer beweer dit was ‘vry en regverdig” Dis mos hulle broers.
Dis hoog tyd dat die diktator van sy troon af kom. Sterkte CCC!
Demokrasie bestaan nie in afrika nie. Duidelik weet die vervalle VSA dit nie.
In Zimbabwe sal ‘n verkiesing nooit vry en regverdig wees nie, al se die ANC monitors van hulle kroeg stolle in die Meikles Hotel soe.
Die ironie het my laat glimlag – Die VSA se Biden administrasie spreek Zimbabwe aan oor die ondermyning van ‘n verkiesing.
Hierdie staaf maar net my stelling dat al kry die ANC aanstaande jaar nie een stem nie gaan hulle nog steeds die verkieding wen, want in Afrika verloor die regerende party nie. Omtrent net ʼn staats greep het sover nog in Afrika regering verander.
Die ANC sal net met geweld verwyder kan word.
Hierdie is ‘n toetslopie vir wat beplan word vir SA volgende jaar. Dit het begin met grondonteiening en volgende is verkiesings om in mag te bly.
Hou die spasie dop ons verskiesing gaan moontlik dieselde pad loop aangesien ANC so oortuig is hulle gaan weer seevier.
SA se voorland.
African politics at it’s best!!!
Tog het enigiemand met iets tussen die ore vooraf geweet dat die verkiesing nie vry of regverdig sal wees nie. N Niks sal vasklou aan mag.
USAID word gefinansier deur die CIA, en hul huidige hoof, Samantha Power, het Barack Obama oorreed om Libie in te storm en Gadaffi te vermoor. Amerika het dan hul sopas ingemeng in hul eie verkiesing, deur Donald Trump aan te kla en te laat arresteer.