Die vrou wat daarvan skuldig bevind is dat sy miljoene rande van ʼn regsfirma gesteel het, moet vir nege jaar tronk toe gaan.
Marlize Kellerman (38), ʼn ma van twee, is in 2018 in Worcester deur die Valke in hegtenis geneem. Sy is aangekla van bedrog ter waarde van R4,6 miljoen.
Kellerman, ʼn oudwerknemer van ʼn regsfirma op Worcester, het haar gewese werkgewer na bewering uit geld van die maatskappy se trustrekening bedrieg, sê die Valke Dinsdag in ʼn verklaring. Sy het dit gedoen deur geld uit die firma se rekening in haar eie rekening oor te betaal. Die bedrog is oor ʼn tydperk van vier jaar gepleeg.
Sy is uiteindelik op 385 klagtes van bedrog skuldig bevind.
jinne … hoe kry mense dit reg….is daar dan niemand wat goed nagaan nie