‘n Worcester-man het dié diamante glo by ‘n taxi-bestuurder gekoop.
Die Wes-Kaapse polisie se teenbende-eenheid was Vrydag op Worcester besig om bendegeweld te ondersoek, toe hulle inligting ontvang oor ʼn plaaslike man wat glo op pad was om diamante by ʼn taxibestuurder te koop.
“Toe die polisie die man in dié prentjiemooi Bolandse dorp opspoor, het hulle hom agtervolg. Later het hulle hom voorgekeer en deursoek, waarna hulle diamante met ʼn geraamde straatwaarde van R1,2 miljoen in sy besit gevind het,” het ao. Joseph Swartbooi, polisiewoordvoerder in die Wes-Kaap, gesê. Die diamante is na bewering onwettig bekom.
Die 39-jarige verdagte is in hegtenis geneem en is tans in aanhouding tot sy verskyning in die landdroshof op Worcester, waar hy van die besit van onwettige diamante aangekla sal word.
Ag hoe pateties! Versaak hulle ondersoek na bendegeweld om n klippie smous aan te keer. Dis mos n maklike arrestasie.
…en die taxidrywer?
Land van geweld en misdaad; om van siek te word!
En die taxibestuurder?