Wynland-tolprojek: Sanral se appèl geweier

Argieffoto Foto: www.capetown.travel

Argieffoto Foto: www.capetown.travel

Die appèlhof het die Suid-Afrikaanse Nasionale Padagentskap (Sanral) se aansoek om verlof tot appèl rakende die Wynland-tolprojek van die hand gewys.

Sanral wou appelleer teen die Wes-Kaapse hooggeregshof se uitspraak wat hom verhoed om tolhekke op te rig op die N1- en N2-snelweg.

Regters Ashley Binns-Ward en Nolwazi Boqwana het op 30 September 2015 die goedkeuring van die Wynland-tolprojek, wat ʼn las van R62 miljard in tolgeld vir Wes-Kaapse padgebruikers sou beteken, hersien en tersyde gestel.

Brett Herron, burgemeesterskomiteelid van vervoer, het destyds gesê Sanral se openbaredeelnameproses het nie aan die vereistes van die Wet op die Bevordering van Administratiewe Geregtigheid voldoen nie. “Die enigste inligting wat aan die publiek verskaf is, was waar die tolpaaie sou begin en eindig en waar die tolplazas opgerig sou word. Die publiek se kommentaar en besware teen die tolproses is ook nie aan die raad voorgehou nie. Sanral se verslag aan die minister van vervoer het ook die feit verbloem dat 99% van die kommentaar besware was teen die tolprojek. Dit sluit besware in van elke munisipaliteit wat hierdeur geraak word, asook die Wes-Kaapse provinsiale regering, inwoners en padgebruikers.”

Herron het gesê die Stad bly gekant teen tol as ʼn finansieringsmeganisme vir die opgradering van bestaande paaie en sal dié stryd by die hoogste hof voortsit indien nodig. “Ons is egter bereid en gewillig om saam met Sanral te werk om ʼn oplossing te vind vir die infrastruktuur-opgraderings wat vir die N1 en N2 benodig word.”

Lees alle vorige berigte oor die Wynland-tolprojek op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

11 Kommentare

jongste oudste gewildste
Chantell

Die vraag wat ek het is hkm was dit in gauteng so maklik ons was nie eens n keuse gegee nie ……ons wil ons gaan en julle gaan betaal wanneer skraap hulle gauteng sn?

William

Chantell wil ek ook weet. Net gebou nou moet ons betaal. Ek weier

Irene

Net a manier om ryk te word aan die ander kant wie tol gelde kry ons kry al klaar so swaar in S A

Hasie

Chantelle en William, kan julle onthou hoe was ons almal bekruip met die bou van Nkandla? Nou dieselfde Jacob en sy Sanral het Gauteng ook bekruip. Toe julle sien toe is die tolhekke gebou.

pieterdp

Dis hoe dit werk. Jy raadpleeg jou lands burgers en saam word daar aan n oplosing ge werk. ? DA. So wys julle die ANC wat reg is.