Wynlandgoed-moord: Verdagte was op parool

Morné Boshof. Foto: Met vergunning van Joline van der Merwe/Worcester Standard.

Morné Boshof. Foto: Met vergunning van Joline van der Merwe/Worcester Standard.

Morné Boshof, wat aangekla word van die moord op Anthea Du Preez (64) van Rawsonville in die Wes-Kaap, was op parool toe hy in hegtenis geneem is.

Kapt. FC van Wyk, woordvoerder van die polisie, het aan Maroela Media gesê Morné Boshof (41) is voorheen aan diefstal skuldig bevind en is tot vier jaar tronkstraf gevonnis. Boshof het agt maande van sy vonnis uitgedien voor hy vroeër vanjaar op parool vrygelaat is.

“Die ondersoek duur voort,” het Van Wyk gesê. Die polisie wil steeds nie navrae beantwoord oor hoeveel verdagtes moontlik met haar moord verbind word nie. Hulle het ook nog nie meer inligting oor die omstandighede rondom haar moord of die motief daarvan bekend gemaak nie.

Boshof het Vrydag vir die eerste keer in die Rawsonville-landdroshof verskyn op aanklag van moord. Hy het na sy hofverskyning in die aanhoudingselle probeer selfmoord pleeg. Boshof verskyn weer Vrydag in die hof.

Anthea, die vrou van Hennie du Preez, eienaar van die bekende Du Preez-wynlandgoed in Breedekloof, is op 1 Desember dood aangetref in haar huis op hul plaas, De Denne. Du Preez laat haar man, drie kinders Jean, Hennie jr., Janette, en nege kleinkinders agter.

Klik hier vir vorige berigte oor die saak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

Lallie ·

Al enige inligting oor wat in Vrydag se hofverrigtinge gebeur het?

Sal graag motief wil weet en of daar ander betrokke was.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.