Klopjag op 21 April 2015 by die Jeppestown-hostel in Gauteng Foto: @YusufOmarSA op Twitter.
Die polisie en lede van die weermag het Dinsdagaand ʼn klopjag gehou by die Jeppestown-hostel in Gauteng in ʼn soeke na vuurwapens.
“Die hele nasionale span is hier. Die nasionale kommissaris is ook hier,” het lt. Kay Makhubela, woordvoerder van die polisie, gesê.
Foto’s van die hostel wat deur eNCA uitgesaai is, wys hoe dosyne mans, sommige slegs in hul slaapbroeke, in die gange staan met hul arms opgelig en handpalms teen die muur vasgedruk, terwyl soldate hul beddens en sluitkassies deursoek.
Dié klopjag volg nadat Nosiviwe Mapisa-Nqakula, minister van verdediging, vroeër Dinsdag aangekondig het dat die weermag landswyd in gebiede ontplooi sal word waar xenofobiese geweld plaasvind.
Sewe mense is die afgelope week dood tydens xenofobiese aanvalle in KwaZulu-Natal en Gauteng.
Volgens ʼn eNCA-verslaggewer het die polisie en weermag beslag gelê op ʼn kapmes, ʼn klein byl en verskeie messe.
Makhubela het kort voor middernag gesê niemand is nog in hegtenis geneem nie.
Bron: Thomas Hartleb, News24
Die meeste geweld in Natal maar die klopjag in Gauteng?
Het ek ook gewnder. Seker te na aan Nkandla.