‘Yes4Youth mislei publiek oor oopstelling van skema’

Yes4Youth se aankondiging.

Hoewel die Yes4Youth-jeugwerknemerskema Donderdag getwiet het dat hy sy registrasieblad ook vir wit werklose jeugdiges oopgestel het, is die teendeel die waarheid.

So sê Solidariteit Jeug nadat die Yes4Youth-skema – ’n projek waarby die regering die privaat sektor wil betrek om jeugwerkloosheid hok te slaan – die aankondiging gedoen het nadat dié skema vandeesweek onder kritiek deurgeloop het omdat wit werklose jong mense op grond van hul velkleur uit die skema uitgesluit word.

Jy kwalifiseer steeds nie vir die YES-program nie, want jy is nie net jonk en werkloos nie – maar wit.

“Hoewel Yes4Youth aanvoer dat die program nou oop is vir alle rasse,” het Paul Maritz, koördineerder van Solidariteit Jeug, gesê, “word jy steeds uitgesluit uit die program as jy wit is.

“ʼn Boodskap deel jou met hoflike minagting mee dat jy van ander webwerwe kan gebruik maak om jou CV te plaas. Jy kwalifiseer steeds nie vir die YES-program nie, want jy is nie net jonk en werkloos nie – maar wit.”

Toe die bestuurders van die program gekonfronteer is “deur die duidelike immorele implikasies van hul pogings om gruwelik teen arm wit mense te diskrimineer, het hulle dit klaarblyklik nodig geag om hul boodskap te verander”, sê Maritz.

“Ongelukkig het hulle dit nie goedgedink om hul immorele gedrag stop te sit nie. Yes4Youth probeer nie net om die publiek op sosiale media – waar hulle onder skerp kritiek deurgeloop het – te mislei nie; die skema wys ook deur hul aksies dat diegene wat dit lei, die uitsluiting van mense op grond van hul ras goedkeur.”

Dit versterk die idee dat wit mense in Suid-Afrika eintlik tweedeklasburgers is omdat hulle wit is.

Paul Maritz, koördineerder van Solidariteit Jeug.

Maritz meen hierdie stap is nog ʼn klap in die gesig van jong wit werkloses. “Jy word steeds op grond van jou ras uitgesluit uit die diens wat aangebied word, maar amptelik word nou verkondig dat jy wel ingesluit is.

“Met hierdie minagtende boodskap dring Yes4Youth daarop aan dat jong werkloses in verskillende rye moet gaan staan, en dit gebaseer op velkleur. Dit versterk die idee dat wit mense in Suid-Afrika eintlik tweedeklasburgers is omdat hulle wit is.

“Dit is onverdedigbaar dat die webwerf nou vir die desperate jong werklose wit vrou sê dat sy in ʼn ander ry hoort en dat sy gelukkig moet wees sy word enigsins op die YES-webwerf toegelaat.”

Volgens Maritz sal Solidariteit Jeug voortgaan om ʼn klagskrif saam te stel wat mense die geleentheid sal bied om ʼn brief aan die president oor die uitsluiting van werklose jeugdiges bloot op grond van hul velkleur te onderteken.

Te wit?

“Die narratief wat ontstaan, is dat dit reg en normaal is om mense op grond van hul velkleur uit te sluit. Ons kan eenvoudig nie hieroor stilbly nie en die stem van duisende mense moet in hierdie verband gehoor word.

“Die krisis van jeugwerkloosheid is inderdaad groter as ras. Yes4Youth voer aan dat hulle ook groter as ras is. Dit is tyd dat hulle daad by die woord voeg. Verwyder die rasseklassifikasie by die registrasie en beloon sakeondernemings wat jong werkloses help – ongeag hul ras.

“Om steeds aan te voer dat ʼn spesifieke ras se jong werkloses groter waarde het as ʼn ander ras s’n is moreel onverdedigbaar. Die idee dat jong swart werkloses slegs gehelp kan word deur jong wit werkloses uit te sluit, bly absurd.”

Die idee dat jong swart werkloses slegs gehelp kan word deur jong wit werkloses uit te sluit, bly absurd.

Hy meen om die boodskap “wat blatant op grond van ras uitsluit te verwyder en dit met twee afsonderlike rye vir werkloses te vervang, het bitter min aan die hele kwessie verander”. Yes4Youth sê steeds vir die jong wit werklose: “Jy is eintlik onwelkom; gaan staan asseblief in ʼn ander ry.”

Maritz meen: “Wanneer ʼn mens te skaam kry om aan ander te erken waarmee jy besig is, is dit tyd om jou optrede te staak en nie bloot daaroor te jok nie.”

Solidariteit win tans ʼn regsmening in oor moontlike litigasie in verband met dié kwessie.

Om die klagskrif te onderteken, klik hier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

29 Kommentare

jongste oudste gewildste
Ouma

Afgesien van die registrasie proses probleme moet mens verder lees. Wit jongmense kan aansoek doen by “those companies wishing to participate for non-BBBEE purposes” Watter firma gaan wit mense aanvaar en hul BBBEE status prysgee? Nee wat, hier is beslis verdere aftakeling aan wit mense.

Pvt

Bedrog
Bedrog
Bedrog

Pietskiet

Ek glo ook dis verkeerd maar ongelukkig moet ek se ons wit seuns wil nie hande arbeid he nie hulle is so arogant wil staan en toesig hou het reeds 5 wit seuns vir my laat werk maar hulle soek toesighouer… Bestuur of wie weet watse poste die wittes is te lank gepamperlang deur ons eie wit mense hulle glo hulle mag nie met n pik en graaf werk nie staan eerder by n robot en maak geld
Jammer ek is ook wit met n pty besigheid maar sal nie weer n witte in vat nie

Wdp

Dis nou genoeg hierdie BEE rasisme moet gestop word. Stop sommer om besighede wat BEE is te ondersteun. Al wanneer wit goed genoeg is as hy geld gee.

Louis Jacobs

Solidariteit moet net hul eie jeugwerknemerskema begin.
As jy iets ordentlik gedoen wil hê, doen dit self.