Zille aangewys ondervoorsitter van NRVP

Helen Zille

Helen Zille

Helen Zille, leier van die Demokratiese Alliansie, is Dinsdag as ondervoorsitter van die Nasionale Raad van Provinsies (NRVP) aangewys.

Zille, ook die premier van die Wes-Kaap, sal ʼn jaar lank op ʼn rotasiebasis in dié amp dien. Die posisie sal daarna aan ʼn afgevaardigde van ʼn ander provinsie gegee word.

“Ons wens me. Zille geluk met die verkiesing en glo dit sal waarde toevoeg tot die Raad,” het DA-LP Elza van Lingen gesê.

Die Nasionale Raad van Provinsies moet verseker dat provinsiale belange in ag geneem word binne die nasionale sfeer van die regering. Thandi Modise, voormalige premier van Noordwes, is die voorsitter van die Raad. -SAPA

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.