Zille sê jammer oor twiet

Zille en Maimane tydens Maandag se mediakonferensie. Foto: @Mabine_Seabe/Twitter

Helen Zille, voormalige DA-leier en Wes-Kaapse premier, en Mmusi Maimane, leier van die DA, het vanoggend ʼn gesamentlike mediakonferensie gehou ná gisteraand se vergadering van die DA se federale raad.

Zille het onvoorwaardelik om verskoning gevra vir haar twiet en die regverdiging daarvan. Volgens Zille het sy Maimane ondermyn en het sy ook hiervoor om verskoning gevra. “Ek het na ʼn tydperk van refleksie en debat tot die insig gekom dat dit nie reg was nie en dat dit ou wonde oopgekrap het. Ek het dinge gesê wat Maimane se leierskap ondermyn het. Hy is die demokraties verkose leier van die DA en ons almal moet hom ondersteun,” het sy gesê.

Maimane het aangekondig dat hy en Zille ooreengekom het dat dit in die beste belang van die party is dat Zille nie meer dien op enige van die party se besluitnemingstrukture nie, insluitend die federale raad. “Daarbenewens sal haar politieke kommunikasie voortaan fokus op sake wat verband hou met die Wes-Kaapse provinsiale regering. As sy wil kommunikeer oor enige ander politieke kwessies, sal sy voldoen aan die protokol van die DA.” Zille sal premier van die Wes-Kaap bly.

Maimane het gesê dat hy persoonlik kwaad was oor haar twiet. Hy het ook gesê dit is sleg dat daar nou energie gemors moes word om dié saak te hanteer terwyl dit aan ander belangriker dinge aangewend kon word.

“Ons het al baie gesels oor die afgelope paar weke, en ons stem nie oor alles saam nie. Ek dink dit is gesond om betrokke te wees in debatte maar daar is nie plek in ons party vir mense wat verdeling wil saai nie,” het Maimane gesê.

Maimane het op ʼn vraag van ʼn joernalis oor hoekom Zille nie afgedank word nie, gesê hy dink die feit dat sy om verskoning gevra het en haar kommunikasie beperk word, genoegsaam is.

Zille het op nog ʼn vraag geantwoord dat sy al genader is om haar eie politieke party te begin. “Ja ek is al genader, maar ek het nee gesê.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

120 Kommentare

jongste oudste gewildste
Peet

Ek neem aan Maimane het Zille se verskoning mooi neer gepen! Volgende smelt DA saam met ANC!!!! Hoop Zille dink weer oor haar eie party!!!!

Baie bly

Ek is baie bly julle 2 kon dit uitsorteer, dit is in almal se belang en sal beslis goeie vrugte afwerp.

jurie

As Zille enigsins verder agter oor buig om Maimane gemoed te kom gaan sy haar eie agterent kan sien. Sorry DA mens leer van die verlede, jy kan dit nie ignoreer of weg wens nie.

Arie

Sy het hom sy posisie gegee en hy steek haar in die rug! Ek het alle respek vir hom verloor – vaarwel d. a. Julle gaan baie stemme verloor!!

Annelie

Ek so sal ons almal maar die knie moet buig – vir die DA stem ek nie weer nie!