Charles Taffs, president van die Commercial Farmers’ Union
ʼn Groep van hoofsaaklik wit boere in Zimbabwe betreur die afsterwe van Malcolm Francis en sy dogter Catherine, wat in ʼn plaasaanval vermoor is.
Die Commercial Farmer’s Union het Vrydag in ʼn verklaring gesê hy is besorg oor owerhede se “totale stilte” na dié aanval wat herinner aan geweld tydens grondgrype in 2000. Malcolm en Catherine is op 10 Mei in Guruve-distrik in die noordooste van Zimbabwe vermoedelik met ʼn byl aangeval. ʼn Familielid het op hulle afgekom en met hulle na die hospitaal gehaas. Hulle het al twee kopbeserings opgedoen. Catherine is verlede week Woensdag in die hospitaal oorlede en Malcolm het Maandagaand in die hospitaal aan sy beserings beswyk.
Die groep boere het ook grondgrype in Zimbabwe veroordeel en gesê dit benadeel die landboubedryf in die streek se voormalige broodmandjie.
Pres. Robert Mugabe het plase van wit boere aan swartmense oorgegee en gesê “Europese kolonialiste het die grond gesteel”. –SAPA
Hierdie gebeur op n daagliks basis in on land, sterkte aan die naasbestaandes.