Zim voer tonne mielies uit SA in weens hongersnood

Nagenoeg die helfte van Zimbabwe se bevolking weet nie waar hulle volgende maaltyd vandaan gaan kom nie. (Foto: Tatenda Macheka/WFP)

Zimbabwe het reeds 50 000 ton mielies van Suid-Afrika ingevoer in ʼn poging om ʼn nypende tekort aan dié stapelvoedsel weens ʼn uitgerekte droogte te probeer beperk.

Die Zimbabwiese regering, in samewerking met organisasies soos die Verenigde Nasies se Wêreldvoedselprogram (WFP), het reeds begin om voedselhulp aan veral armer inwoners in stedelike gebiede te versprei in ʼn poging om hongersnood te voorkom.

Die staatsbeheerde Herald berig die adjunkminister van arbeid en maatskaplike welsyn, Lovemore Matuke, sê die regering het ook ʼn koeponstelsel vir mieliemeel-subsidies bekend gestel om te verseker die regte mense word bereik.

Elias Shamba is ‘n Zimbabwiese kleinboer. Hy het nou vir die derde keer geplant nadat sy vorige twee oeste misluk het. (Foto: Matteo Cosorich/WFP)

Matuke het aan die Herald gesê pres. Emmerson Mnangagwa het beveel dat voedselhulp na stedelike gebiede uitgebrei word.

“Ons loof die steun van ontwikkelingsvennote soos die WFP omdat dit ons in staat stel om meer begunstigdes op meer plekke te bereik,” het Matuke gesê.

“Die WFP se poging gaan verseker ons hulpbronne word herlei na gebiede waar daar ʼn voedseltekort is.”

Die WFP het reeds sy hulp aan Suid-Afrika se buurland verhoog en hoop om tot 4,1 miljoen behoeftiges te bereik.

Die organisasie het vroeër gewaarsku die ergste hongersnood in ʼn dekade staar Zimbabwe in die gesig en nagenoeg 7,7 miljoen mense – bykans die helfte van die land se bevolking – weet nie waar hulle volgende maaltyd vandaan gaan kom nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Cheetha

Hulle vrek van die honger daar, omdat hulle die Wit boere uitgeskop het. Selfde gaan hier gebeur as Malema sy sin kry.

DieKriek

Ja, hulle het verkeerd gekies maar dis afgryslik om te dink mense gaan dood van honger. En ons regering dink ons gaan nie dieselfde paadjie volg nie. Woorde ontbreek.

Magda

Dit gebeur as jy met jou SAK dink en nie met jou KOP nie – Jammer vir die onskuldige mense wat daar onder ly.

Johan

2 oeste het misluk?????? Geen witboere wat vir hulle kos kan produseer nie, hoop die slim rooikeps bende in SA neem kennis. Sonder die witboere wat met geloof in ons God plant sal hier ook niks wees nie

gatgogga

Waarmee gaan hulle betaal?
Met ons belastings, sal ek raai.