Zim wil hê oud-Zimbabwiërs moet ‘terugkeer huis toe’

Emmerson Mnangagwa tydens sy inhuldigingseremonie as Zimbabwe se nuwe president. (Foto: Tsvangirayi Mukwazhi, AP)

Henry Mukonoweshuro, Zimbabwiese konsul-generaal, het Sondag in Johannesburg gesê dié land benodig die betrokkenheid van miljoene Zimbabwiërs wat die land verlaat het en hulself elders gevestig het, veral die groot aantal oud-Zimbabwiërs wat in Suid-Afrika woonagtig is.

Mukonoweshuro het by toekenning van die Zimbabwe Achievers-toekennings gesê die enigste manier om die ekonomie van Zimbabwe weer op die been te bring en van dié land ʼn sukses te maak is vir almal – insluitend oud-Zimbabwiërs – om saam te werk en terug te keer huis toe.

Hy het veral ʼn beroep gedoen op oud-Zimbabwiërs in Suid-Afrika om dit ernstig te oorweeg om hulself te hervestig in Zimbabwe en te belê in hul land – dié keer onder die presidentskap van Emmerson Mnangagwa.

Mukonoweshuro het gesê die Zimbabwiese regering is baie trots op dit wat hy sedert Mnangagwa se verkiesing in November verlede jaar bereik het. Hy sê Mnangagwa se mantra, wat daarop gemik is om oud-Zimbabwiërs terug te lok vir handel, is “Zimbabwe is nou oop vir sake”.

“Oud-Zimbabwiërs moet nou noord van die Limpoporivier kyk,” het hy gesê. “Ek dink baie verlang nog terug na die land; selfs al het hulle tien, 15 of 35 jaar terug geëmigreer. Zimbabwe is die broodmandjie van Suider-Afrika. Met die ervaring wat jy [die oud-Zimbabwiër] opgedoen het en met die sinergieë wat jy in hierdie ontwikkelde lande geskep het, dink ek jy kan opstaan, noord kyk, en sê laat ons saam trek, laat ons teruggaan en Zimbabwe herbou wat ons opleiding en basiese vaardighede gegee het.”

Justice Maphosa, bekende Zimbabwiese sakeman wat in Suid-Afrika woon, het tydens die toekennings gesê oud-Zimbabwiërs mag dalk groot ekonomiese geleenthede in die land mis indien hulle nié ag slaan op die regering se uitnodiging om terug te trek nie.

“Ons is baie stadig om geleenthede aan te gryp en het ʼn wag-en-sien-wat-gebeur-houding. Ons wag vir die Chinese, Britse, Amerikaners, Kanadese en die Australiërs om die geleenthede te ontgin. Laat ek jou ʼn voorbeeld gee: Hoeveel Suid-Afrikaners belê nou in Zimbabwe? Koop nou ʼn vliegkaartjie en gaan kyk wie belê in Zimbabwe. Baie van die mense wat na Zimbabwe reis, is nie daar vir vakansie nie, hulle is daar om te sien of dit geloofwaardig is,” het Maphosa laat hoor.

Die sakeman is vereer vir sy sakeryk in Suid-Afrika, sy filantropiese-inisiatiewe en die stigting van die Big Time Strategic Group in Suid-Afrika.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
Potlood

Kan julle asseblief al julle illigals ook asb kom haal…

Avra

Ja asb. Neem sommer die Nigeriers en Mozabiekers ook saam.

John

… ervaring wat jy in ontwikkelde lande opgedoen het… Wat ‘n tragiese grap. Hierdie mense sal net terugkeer vir langnaweke. Die lekkerlewe met gratis alles en werk by wit boere vir goeie geld is suid van die Limpopo. Mogabe et al het ok mos ‘n huisie of drie in ons lielie-lekker-suiderlike-paradys. Inderwaarheid vloei al meer hierheen na die gratis skoling en basiese salarisvasstelling wat Mei glo inskop. Nie eens die wit Zims wil terugkeer na hul uitgeboerde plase nie. Hulle boer en preek hier en vlieg met eie lugdienste na eie strandhuise langs ons skoon strande.

Sê net

Once bitten, twice shy

Avra

Ja asb. Neem sommer die Nigeriers en Mozabiekers ook saam