Zimbabwiërs in SA gemaan om paraat te wees

Geweld en plundery in Pretoria (29 Augustus 2019) (Foto: Thobile Mathonsi/African News Agency/ANA)

Die regering in Zimbabwe het sy burgers, wat in Suid-Afrika gebaseer is of binnekort na die buurland reis, Woensdag gemaan om “die nodige voorsorgmaatreëls te tref” te midde van grootskaalse aanvalle op uitlanders.

Monica Mutsvangwa, Zimbabwe se minister van inligting, publisiteit en uitsaaidienste, het hul meegevoel betuig met Zimbabwiërs en ander uitlanders wat deurgeloop het onder “die sinnelose orgie van geweld in Suid-Afrika”.

“Die regering en mense van Zimbabwe veroordeel die barbaarse optrede. Dit is teenstrydig met die gees van Afrika-eenheid en solidariteit wat die Afrika-Unie se stigterslede in 1963 in Addis Ababa beplan het,” het sy bygevoeg.

Die regering van Zimbabwe het egter die owerhede in Pretoria geloof “dat hulle vinnig opgetree het om die geweld te beëindig en oortreders aan te keer”.

Geweld en plundery in Pretoria (29 Augustus 2019) (Foto: Thobile Mathonsi/African News Agency/ANA)

Die Suid-Afrikaanse Polisiediens het Woensdag gesê byna 300 persone is reeds in hegtenis geneem en dit het tot ʼn beduidende afname in geweld en plundertogte in Gauteng gelei. Kol. Lungelo Dlamini, woordvoerder van die polisie, het egter gesê die bestuur van die SAPD is besorg oor vals nuus wat op sosiale media versprei word wat ten doel het om geweld aan te hits en vrees aan te wakker onder Gautengers.

Die SAPD veroordeel die verspreiding van vals nuus op sosiale media. Vals nuus wat verband hou met skole wat aan die brand gesteek is of kinders wat in Katlehong ontvoer is, het die ronde gedoen.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

24 Kommentare

jongste oudste gewildste
Jdb

Is dit dieselfde Zimbabwe regering wat ons wit Suid Afrikaners so aangeval en uit hulle land gejaag het?

Ig

Binnekort gaan niemand meer enige Afrikaland kan besoek soos dit nou aangaan nie. Wat as ek OP n besigheidsbesoek Zimbabwe of Nigerië toe wil gaan?? Ek sien moeilikheid KOM. Wonder wat het geword van die reënboognasie waarvan gepraat was in 1994. SA kom nou voor as n gewelddadige land en who is to blame?????? Sorry I just lost my words , cannot find them anywhere!!

Ben

Die Zimbabwiese regering kry nou baie lekker dat Suid-Afrika dieselfde pad loop as Rhodesia begin jare ’80.

Koos de Meyer.

Moenie nou huil nie. Dis mos julle broers wat julle in die struggle gehelp het.

Alida

Skep werk in julle eie land vir julle mense dan sal hulle nie SA toe hoef te kom nie. Hou julle mense daar.