Adjunkhoofregter Raymond Zondo, voorsitter van die Zondo-kommissie van ondersoek na staatskaping, sal nou ook as hoofregter van Suid-Afrika waarneem.
Dít volg nadat regter Sisi Khampepe, wat effektief van 1 Mei tot 30 Junie as waarnemende hoofregter gedien het terwyl hoofregter Moegoeng Moegoeng met lang verlof is, se aanstelling verstryk het.
Khampepe was die afgelope week verantwoordelik vir die uitspraak in die Konstitusionele Hof teen oudpres. Jacob Zuma waarin hy ’n vonnis van tot 15 maande tronkstraf vir sy minagting van die hof opgelê is.
Luidens ’n verklaring wat Vrydag deur die hoofregter se kantoor uitgereik is, is Zondo in staat om ook as hoofregter waar te neem aangesien die kommissie van ondersoek ’n punt bereik het wat dit moontlik maak om albei take te verrig.
Maroela Media het Woensdag berig dat Zondo sy verslag met bevindings en aanbevelings na verwagting teen einde Augustus – of September op die laatste – bekend sal maak.
Ek hoop hy stuur nou iemand tronk toe
N ware Heer. Hy sal daai pos met waardigheid beklee
As zuma tronkstraf gaan vryspring, sal dit verraad wees teen Zondo.
Dit is na mý mening verkeerd om Zondo daar aan te stel, nou het zuma weer baie “verskoning” ammunisie gekry.
Gelukkig nadat Zuma se lot beslis was, anders het die Zuma kamp dit as heksejag bestempel.
Ek hou baie van regters Zondo en Mogoeng. Albei kinders van God wat nie skroom om vir Hom te getuig nie. Ek bid jul albei sterkte toe, regter Zondo.
Zondo was nie toegelaat om vir die permanente pos aansoek te doen nie, maar nou moet hy as Hoofregter waarneem??
Dit maak die stelsel en aanstelling verdag!