Zuma betuig meegevoel ná Kaapstad-huisbrand

Argieffoto

Argieffoto

Sewe persone, waaronder vyf kinders, is dood ná ʼn brand Saterdagoggend by ʼn huis in Mitchells Plain, Kaapstad, uitgebreek het.

Die brand het omstreeks 08:30 uitgebreek by die huis in Macbethstraat, Eastridge. “ʼn Man, ʼn vrou en vyf kinders het in die brand omgekom,” het Robert Daniels, woordvoerder van die Wes-Kaapse nooddienste, gesê. “Twee van die kinders is onherkenbaar verkool.”

Daniels het gesê vyf volwassenes is kritiek beseer en na die Mitchells Plain-distrikshospitaal geneem.

Pres. Jacob Zuma het in ʼn verklaring sy meegevoel betuig aan die families en naasbestaandes van die persone. “Ek is baie hartseer en geskok oor dié tragedie wat met die gemeenskap van Mitchells Plain gebeur het,” het hy gesê. “Ek wil graag my en die regering se meegevoel betuig met die familielede van die oorledenes.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

9 Kommentare

jongste oudste gewildste
jaco

dis verkiesing oor 2 maande. nou word daar meegevoel betoon met sogenaamde kleurlinge. gewoonlik is hulle egter nie swart genoeg nie…

Lance

Ek sien deur dit …hy soek stemme ….genade die mense is net SO voorspelbaar ….eintlik n joke

Ignorant

Ek hoop die plaaslikes is slim genoeg om te besef dat zuma niks vir hulle omgee nie maar net stemme soek.

Eliza-beth

Ag tog, Zuma….watookal!

Omgee

So of jy regtig omgee Zuma, die mense van Mitchells Plein is dalk arm maar beslis nie stupid nie!