Zuma by Winnie se begrafnis uitgejou

Winnie Madikizela-Mandela se begrafnis (14 April 2018) Foto: Oupa Mokoena/ANA

Die voormalige president Jacob Zuma is Saterdag by die begrafnis van Winnie Madikizela-Mandela uitgejou.

Duisende roubeklaers, insluitend internasionale gaste het by Orlando-stadion in Soweto, Johannesburg, bymekaargekom vir die roudiens. Hulle het struggle-liedjies gesing, en dit het gelyk of dit soms te jolig gaan vir die programdirekteur, minister van verdediging Nosiviwe Mapisa-Nqakula.

Toe sy voormalige presidente Thabo Mbeki en Kgalema Motlanthe verwelkom het, het die skare gejuig. Maar Zuma se naam het negatiewe reaksie uitgelok, veral van lede van die Ekonomiese Vryheidsvegters. Hulle het hom uitgejou en handgebare vir die “verandering”-teken gemaak, wat gewoonlik deur ontstoke ondersteuners tydens sokkerwedstryde gebruik word. Zuma het in Februarie bedank nadat die ANC hom herroep het. Hy het in sy stoel bly sit asof niks gebeur het nie.

Die stadion, met 40 000 sitplekke, was volgepak.

Madikizela-Mandela ontvang ʼn spesiale amptelike begrafnis nadat sy onverwags op Paasmaandag gesterf het. Sy was 81 jaar oud.

Sy word Saterdag tydens ʼn privaat seremonie by Fourways-gedenkpark begrawe.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

19 Kommentare

jongste oudste gewildste
Michael

Was dit n begrafnis of n politieke byeenkoms.?

Koos

Die stem gedeelte van die national anthem is ook uitgejou net die begin en einde is gesing.

Pan

Ons is net goed genoeg om belasting te betaal en skuld te kry vir hulle onbevoegdheid.

Braam

BRAAK!!!

Tokkie

Ek verstaan nie die ophef oor haar begrafnis nie