Zuma ‘diep bekommerd’ oor Wes-Kaap

Pres. Jacob Zuma. Argieffoto: Ntswe Mokoena, GCIS

Die presidensie het gesê pres. Jacob Zuma is diep bekommerd oor die lewensverlies en skade wat vandeesweek deur die stormweer in die Wes-Kaap veroorsaak is. Hy het spesifiek ook verwys na die gerugte wat aandui dat hy glad nie bekommerd is nie en dit bestempel as “fopnuus”.

“Die presidensie neem kennis van ʼn aanlyn berig waarin daar staan Zuma sê Knysna in die Wes-Kaap is nie sy probleem nie. Hierdie berig en die vermeende aanhaling is vals,” het die presidensie gesê.

Die verklaring het bygevoeg dat pres. Zuma ongelooflik bekommerd was oor die situasie in die Wes-Kaap, die lewensverlies, ontworteling van mense en algemene verwoesting wat gesaai is.

Hulle het bygevoeg dat die regering humanitêre ondersteuning na alle aangetaste gebiede gestuur het, veral die arm gemeenskappe.

“Ons bedank ook die mense wat uit hul eie hulp aangebied het en versoek diegene met hulpbronne om asseblief toe te tree.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

49 Kommentare

jongste oudste gewildste
Ramkat

Sy geloofwaardigheid het vir die publiek in die algemeen so geweldige afgeneem dat weinig enige eerlikheid in hierdie verklaring sal insien.

Estelle Leeuwner Claassens

When did hé grew a heart?

Jakes

Waar is zuma en gupta se trokke ??

Louwrens

En ons is diep bekommerd omdat hy nog President is.

Marietjie Cilliers

Kan daar niks gedoen aan fop nuus nie. Spoor op en gee groot straf. Ons het dit nie nodig nie.