Zuma gaan strafregtelike klag teen Downer indien

Oudpres. Jacob Zuma. (Foto: GCIS)

Oudpres. Jacob Zuma gaan Donderdag ʼn strafregtelike klag teen die staatsaanklaer adv. Billy Downer SC aanhangig maak.

Die Zuma-stigting het Woensdag op Twitter gesê die klag sal by die polisiestasie in Pietermaritzburg, KwaZulu-Natal, ingedien word.

Die oudpresident beskuldig die advokaat daarvan dat hy beëdigde verklarings met inligting oor sy gesondheid uitgelek het.

Zuma het vroeër ʼn spesiale pleitrede van 141 bladsye by die hooggeregshof ingedien waarin hy vra dat Downer hom aan die korrupsiesaak teen Zuma en die Franse wapenvervaardiger Thales onttrek.

Zuma voer in die pleitrede onder meer aan dat Downer nie die onafhanklikheid en onpartydigheid het wat nodig is vir ʼn regmatige vervolging en die versekering van ʼn regverdige verhoor nie.

Regter Piet Koen het reeds die pleitrede aangehoor en sal na verwagting later vandeesmaand uitspraak lewer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

39 Kommentare

jongste oudste gewildste
Johann

Nogal vreemd in ag genome dat die owerheid nou daarop aandring om jou mediese status publiek te maak met die paspoort besigheid….

Eiervrug

Hier gaan ons alweer…. Na watter rekening nommer wil julle hierdie regskostes se donasies oorbetaal hê??

Frank John

Moenie worry nie, hy gaan nie opdaag nie, jy kry hom nie ini hof nie hahaha. Net nog ‘n ontduikings strategie van Zuma.

Daleen

Eentonige ou deuntjie – eers was dit Zondo en nou Downer… Jy moet in die tronk wees sonder enige regte jou krimineel.

Robert

Duidelik kan of wil jy en jou regs gevolg nie verstaan dat ‘n aanklaer partydig moet wees om die saak te dryf anders sal daar nooit einde wees nie. Hoe is jou verdedigings span: partydig om jou onskuld te probeer bewys of gee hulle die aanklaer ‘n 50/50 kans?