Zuma gestrand in Burundi

Pres. Jacob Zuma. Foto: Elmond Jiyane, GCIS

Pres. Jacob Zuma. Foto: Elmond Jiyane, GCIS

Pres. Jacob Zuma is in Burundi gestrand weens ʼn “tegniese probleem” met sy presidensiële straler.

Volgens die presidensie is Zuma in Burundi as deel van die Afrika-unie (AU) se besoek aan die land. Die afvaardiging, onder wie vyf staatshoofde, het Vrydag samesprekings met Burundi se president, Pierre Nkurunziziza, leiers van politieke partye en ander organisasies afgehandel.

Die presidensie het Saterdagoggend in ʼn verklaring gesê Zuma kon nog nie terugkeer na Suid-Afrika toe nie aangesien sy amptelike straler, Inkwazi, tegniese probleme ondervind het. Geen verdere besonderhede is verskaf nie.

Adjunkpresident Cyril Ramaphosa sal dus namens Zuma waarneem by die 16de jaarlikse Nasionale Onderwystoekenningsgeleentheid Saterdagmiddag in Johannesburg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

67 Kommentare

jongste oudste gewildste
Pieter Krige

Dan word julle beskuldig van nét slegte nuus… ?

Danie

Kan hulle hom nie maar daar hou nie?

Bella

Ons het hom nie nodig nie so hou hom maar daar dankie.

Apie

Hierdie is net n foefie om daardie nuwe straler te koop OF die kader wil naweek hou op staatsonkoste!!

celeste

Hulle kan hom regtig daar hou. Hulle kan familie ook oorstuur. Dit sal ons land baie geld spaar