Zuma glo te siek vir Zondo-kommissie

Oudpres. Jacob Zuma. (Argieffoto: ANA)

Oudpres. Jacob Zuma is te siek om voor die Zondo-kommissie na staatskaping te verskyn, het die oudpresident se regspan vandag voor adjunk-hoofregter Raymond Zondo gesê.

Zondo het ‘n aansoek van die kommissie se eie regspan aangehoor dat Zuma gedagvaar word om van 27 tot 31 Januarie voor die kommissie te getuig nadat hy by die afgelope drie geskeduleerde verskyningsdatums nie opgedaag het nie – elke keer met ‘n ander verskoning.

Hierdie keer het sy regspan weer ‘n paar wye esse gekap met die uiteindelike boodskap dat Zuma nogmaals nie gaan opdaag nie.

Eerstens het die Zuma-regspan eksepsie geneem oor die moontlikheid van ‘n dagvaarding. Hulle meen dit dui op ‘n negatiewe ingesteldheid teenoor Zuma binne die kommissie, en dat dit onnodig naar van die kommissie is.

“Waar is die ubuntu (medemenslikheid)?” wou Zuma se regsverteenwoordiger weergaloos weet.

Zuma se regspan het ‘n ongewone aanbod aan Zondo gemaak – dat die hoof van Zuma se mediese span die regter op vertroulike basis sal inlig oor presies wat Zuma se krankemente dan nou behels.

Zondo, wat hom nie met slap pap in ‘n wip laat vang nie, het gesê hy is baie ongemaklik oor die voorstel, maar dat hy daaroor sal nadink en later ‘n uitspraak daaroor en oor die aansoek om die uitreik van ‘n dagvaarding sal lewer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

52 Kommentare

jongste oudste gewildste
Outoppie

Ek is net so siek om belasting te betaal

Ig

Wereldkampioen in ontduiking

Frans Ferns

Nogmaals weer n dinges verskoning. Regter Zondo u moet asb STERK standpunt hier inneem. Wat weet Zuma en sy regspan van MENSLIKHEID af?
BOETA

Josephine Maarman

Nou toe Jakoppie, groet dan tog nou maar asseblief

George in Bloem

So tipies. Geen inbors. Karakterloos.