Zuma: ‘Onpatrioties om land te kritiseer’

Pres. Jacob Zuma spreek die Nasionale Raad van Provinsies (NRP) toe (9 November 2017). Foto: Elmond Jiyane, GCIS

Pres. Jacob Zuma het Donderdag ʼn beroep op Suid-Afrikaners gedoen om patrioties te wees en nie hul land te kritiseer nie, maar eerder saam te werk om ongelykheid te beveg en die invloed van apartheid ongedaan te maak.

“Ons het ʼn verantwoordelikheid om hierdie land ekstern te bevorder en enige probleme intern op ʼn patriotiese en verantwoordelike manier op te los,” het Zuma in sy toespraak aan die parlement se Nasionale Raad van Provinsies gesê. “Om Suid-Afrika aan te val en sleg te praat wanneer die land op sy kwesbaarste is, is onverantwoordelik, veral as dit deur Suid-Afrikaners self gedoen word.”

Die president het daarna as die regering se prestasies ʼn lys van gratis dienste opgenoem wat deur die regering aan armes verskaf word, insluitend maatskaplike toelae, gratis en gesubsidieerde behuising en gesondheidsorg, gratis basiese onderrig vir arm kinders en gratis munisipale dienste.

Pres. Jacob Zuma spreek die Nasionale Raad van Provinsies (NRP) toe (9 November 2017). Foto: Elmond Jiyane, GCIS

Volgens Zuma is armoede die gevolg van ʼn moeilike ekonomiese klimaat en die nalatenskap van apartheid “wat ʼn reusegaping tussen die rykes en armes veroorsaak het”.

“Ons weet dat baie van die bevoorregte klasse kwaad raak wanneer ons praat van die realiteit van die apartheidnalatenskap omdat hulle wil hê dit moet vergeet word. Ons sal voortgaan om hard te werk om die afskuwelike impak van hierdie nalatenskap uit te wis,” het hy gesê.

“Dit is wel so dat die inkomstevlak van ʼn wit huishouding ses keer hoër is as dié van ʼn swart huishouding. Ons moet saam staan en veg teen hierdie ongelykheid omdat dit ʼn ernstige impak het op ons pad na versoening en die verbetering van lewensomstandighede.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
Anoniem

http://www.bybel.co.za › search › search-detail

Haal eers die balk uit jou eie oog uit, dan sal jy goed kan sien om die splinter uit jou broer se oog uit te haal!

Nico K

Hy het geleer by Robert Mugabe. Mugabe het in 2000 besef hy gaan die verkiesing verloor. Toe doen hy een ding wat hy weet dan sal niemand in Afrika ooit teen hom draai nie. Hy blameer al sy teenstand op kolonialisme/apartheid.

Ian

Gratis munisipale dienste? Waar kan ek aansoek doen???

kat

Jy is onpatrioties – nie ons nie!!! Ons probeer die land red – nie JY nie.

Manie

Maar daar is nie fout as jy en jou kaders die land leeg steel. Jy’t n baie selektiewe patriotisme. Of wou julle aan die bewind kom om die land leeg te steel soos die res van Afrika