President Jacob Zuma Foto: GCIS
Zuma het die sakeman Hugh Glenister se nuutste hofaansoek waarin hy wil bewys dat daar korrupsie in die regering is as “geheel en al irrelevant en eenvoudig lasterlik” beskryf.
Glenister het die hofaansoek gebring om die onafhanklikheid van die Valke te verseker.
“[Glenister se voorlegging bevat] talle paragrawe en honderde bladsye wat die huidige regering en talle individue in die regering as korrup beskryf,” sê Zuma in sy hofstukke.
“Dit is nie duidelik wat Glenister as die gepaste reaksie van die ANC-regering en die presidensie beskou rakende die wye reeks algemene beskuldigings van korrupsie nie.”
In reaksie het Glenister gesê: “Afgesien van ontkenning, het [Zuma] verkies om nie die aanvegbare bewerings te hanteer nie”.
Die saak kom nadat die Skerpioene, wat onder die regsbevoegdheid van die Nasionale Vervolgingsgesag geval het, ontbind is en deur die Valke vervang is. Die Valke val onder die regsbevoegdheid van die polisie.
Sedertdien veg Glenister en die Helen Suzman-stigting ‘n hofstryd om te verseker dat die Valke van die polisie geskei word. Hulle beweer die polisie is korrup en dat dit die Valke se onafhanklikheid in gevaar stel.
Regter Siraj Desai het in Desember gelas dat dele van die wetgewing waaronder die Valke val, strydig met die grondwet is en ook ongeldig is aangesien dit nie voldoende onafhanklikheid kan verseker nie.
Hy het ook bevind dat aspekte van Glenister se voorlegging op “onbevestigde opinie” gebaseer is. Die konstitusionele hof is versoek om Desai se bevel te bevestig maar Glenister het dit teengestaan.
Glenister wil hê die konstitusionele hof moet die bevel dat hy Nathi Mthethwa, voormalige minister van polisie, se regskostes moet betaal ter syde stel.
Die saak word op 19 Augustus in die konstitusionele hof aangehoor. – Sapa
Nou toe nou – dis nou onverwags!
Dink enigiemand regtig zuma sal erken dat hy, sy cronies en pêlle in die regering korrup is?
Onthou hoe hy gebalk en geblêr het oor sy “dag in die hof” en toe dit naderkom hoe hy al wat ‘n reendans, kat-op-‘n-warm-plaat, riel, rinkals en toi-toi gedoen het sodat dit NIE moet gebeur nie?
Ek dink nie Glenister gaan enige probleem ondervind om letterlik honderde (duisende?) voorbeelde voor te lê van die grootskaalse korrupsie wat ons tans ondervind nie – daar was NOG NOOIT op hierdie skaal gesteel nie!
Kyk wie praat!!
Asof hy nou sal sê ja. PLEASE!! Hou maar aan om julle comic boeke lees………….
Kyk wie praat hy staan voor in die ry.
Net sodra die hitte te hoog raak ontbind hulle die ondersoekers. Eers die skerpioene, binnekort die Valke. Wonder wat gaan die nuwe span genoem word? Onder wie gaan hulle val, ADT?
En jy zumie … is jy nie korrup? komaan ou dikkes praat met ons.