Zuma op parool ‘teen die wet’

Oudpres. Jacob Zuma tydens ‘n vorige hofverskyning. (Foto: MotshwarI Mofokeng/ANA)

Die departement van korrektiewe dienste se besluit om oudpres. Jacob Zuma op parool vry te laat, het hewige kritiek uit verskeie oorde gelok.

Die departement van korrektiewe dienste het Sondag aangekondig hulle het besluit om Zuma op mediese parool vry te laat, nadat hulle ʼn verslag van sy dokter ontvang het.

Die DA het Sondag gesê dié besluit is teen die wet, aangesien ʼn versoek om op mediese parool geplaas te word, eers deur ʼn onafhanklike paneel oorweeg moet word. Dié bepaling is juis in die wet geskryf nadat parool onregmatig in 2009 aan die omstrede sakeman en Zuma-bondgenoot Schabir Shaik toegeken is.

“Gegewe die feit dat Zuma prontuit geweier het om deur ʼn onafhanklike dokter ondersoek te word, om nie eens van ʼn onafhanklike adviespaneel te praat nie, maak die besluit onwetlik en maak ʼn bespotting van die wet,” het John Steenhuisen, leier van die DA, gesê.

AfriForum het die besluit as “’n skending van geregtigheid” beskryf en raadpleeg tans sy regspan oor die moontlikheid om ’n dringende hersieningsaansoek te bring.

Die VF Plus het ook teen die besluit uitgevaar, maar gesê dit is nie ʼn verrassing nie.

“Die feit dat oudpres. Jacob Zuma feitlik deurentyd sy straf in die Estcourt-gevangenis se mediese afdeling uitgedien het, het gedui op spesiale bevoordeling en dit is daarom geen verrassing dat hy mediese parool ontvang het nie,” het dr. Pieter Groenewald, leier van die VF Plus, Sondag gesê.

“Die VF Plus het gewaarsku dat daar nie ʼn herhaling moet wees van die Schabir Shaik-klugspul toe ’n beweerde ernstige siekte en hospitalisering ’n maklike metode was om verdiende straf vry te spring nie.

“Vir Shaik was dit bloot ’n vrypas om gholf te speel en sy vryheid te geniet. Dit is egter duidelik dat wat nou met Zuma gebeur het, ʼn herhaling van die Shaik-metode is om straf te ontduik.”

Groenewald sê dié spesiale behandeling vir sommiges laat toe dat die land se strafregstelsel ondermyn word.

“Daar sal gekyk moet word na die magte en bevoegdhede van die kommissaris van korrektiewe dienste om mense klaarblyklik net op parool vry te laat soos wat met Zuma gebeur het.

Die VF Plus sal steeds wil sien dat ʼn onafhanklike mediese mening ingewin word om Zuma se siektetoestand te staaf.”

 

 

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

67 Kommentare

jongste oudste gewildste
casper

Dit is die absolute bewys dat ANC lede totaal bokant die wet verhewe is !!!

Marthinus

Hy spring mos alles vry.Hy speel sy troefkaart stadig maar seker uit,want na 5 jaar kan g’n hof hom aannraak nie.Dan is hy vry vir altyd

Hardekwas

Noudat niehaus se held vry is, verwag ek dat sy volgelinge al die goedere terug gee wat hulle geplunder het.

Werner

Maar net weer n bewys dat ons lankal in n diktator skap is.Wag om te sien watter blatante stappe die anc gaan neem om die verkiesing te systap.Jammer vir die mense wat nog dink om reg te stem gaan alles verander.Daai geleentheid het jy verloor toe die ja stem gewen het.

Pierre

Totale bespotting van ons regs stelsel!