Zuma praat nonsens, sê Malema

Julius Malema tydens ‘n perskonferensie op 13 Oktober 2016 (Skermskoot uit EWN-video van die konferensie)

Julius Malema, leier van die EFF, het Woensdag pres. Jacob Zuma se bewerings verwerp, dat hy nie die versoek om voormalige pres. Thabo Mbeki in 2008 te herroep, ondersteun het nie.

Malema het reageer op Zuma se regstreekse televisieonderhoud met die SAUK.

“Hy [Zuma] praat nonsens. CR [huidige ANC-president Cyril Ramaphosa] is die een wat dit teengestaan het. Zuma het vir my gesê ons moet Mbeki verwyder, want hy kan nie met hom saamwerk nie,” het Malema, ʼn voormalige president van die ANC-jeugliga, op Twitter gesê.

“Hy het dit nooit teengestaan nie, hy het dit aktief ondersteun en ons almal gemobiliseer om Mbeki se verwydering te ondersteun. [Ramaphosa] het dit teengestaan en [Gwede Mantashe] het aangevoer dat, in plaas van om Mbeki te verwyder, ʼn vroeë verkiesing moet plaasvind,” het Malema bygevoeg.

Zuma het in die SAUK-onderhoud gesê hy was een van die mense wat die besluit, om Mbeki te herroep, teengestaan het.

Die ANC het Mbeki in 2008 herroep – agt maande nadat Zuma by die ANC se omstrede Polokwane-konferensie verkies is. Dit het tot ʼn verdeling in die regerende party gelei en ʼn nuwe opposisieparty, Congress of the People, is tot stand gebring.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Johann

Hehehe… byt die skoothondjies mekaar se hakke stukkend!

Linda Gouws

Netso!!!

Daan

Ek het nogal respek vir Malema hy praat baie twak maar nie soos die meeste bang om n ding te sê soos hy oor hom voel nie en dit is demokrasie in werking.

Chris Ws

Zuma dryf die reeds verdeelde anc tot ‘n welkome skeuring.Malema se aantygings is maar net die begin van wat kom.Ek hou baie van die’ situasie voor ons!

PJ

Se die kaptein van twak praat….