Zuma: ‘Rome is nie besig om te brand’

Pres. Jacob Zuma tydens die kwartaallikse vraag-en-antwoord-sessie in die parlement (22 Junie 2017). Foto: Parlement

Pres. Jacob Zuma het Donderdag ʼn uitspraak deur ʼn opposisieparty-LP verwerp dat Rome besig is om te brand terwyl hy sloer – ʼn verwysing na die tyd wat dit hom neem om ʼn ondersoek na bewerings van staatskaping van stapel te stuur.

Zuma het LP’s se vrae tydens die kwartaallikse vraag-en-antwoord-sessie in die parlement beantwoord. Hy het tydens die sessie volgehou genoeg word gedoen om bewerings te ondersoek dat die Gupta-familie sleutelbesluite van die staat beïnvloed en die staatskas plunder.

“Die feit is die voormalige openbare beskermer het dit ondersoek – dit is iets wat gedoen is. Sommige aspekte van die verslag is hersien. Ek kan glad nie sê terwyl Rome brand is mense besig om rond te sit nie,” het hy gesê.

Zuma het herhaal dat ʼn kommissie van ondersoek aangestel sal word om die bewerings te ondersoek, maar hy het hom weer eens nie tot enige sperdatum verbind nie. “Ons maak so vinnig as wat moontlik is om die kommissie op die been te bring.”

Zuma het verlede jaar die hooggeregshof in Pretoria genader om te versoek dat die staatskapingverslag en die aanbevelings daarin hersien moet word. In die hofaansoek voer hy aan Thuli Madonsela, voormalige OB, se aanbevelings is strydig met die wet en die Grondwet, en oortree die beginsel van die skeiding van magte.

Zuma se regspan meen dit was ongrondwetlik van Madonsela om Zuma te beveel om ʼn kommissie van ondersoek op die been te bring en te bepaal dat dit deur iemand gelei moet word wat deur hoofregter Mogoeng Mogoeng aangewys is, aangesien hierdie magte uitsluitlik by die president sou lê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

27 Kommentare

jongste oudste gewildste
Renier

Hello ?????. Waar bly jy? Indie?

AWes

Damn reg. Rome (die land) is klaar verbrand.

cor

Hoe vinnig is vinnig om die moontlike ondersoek span bymekaar te kry, afrika tyd? . Seker is dit ‘n baie lang keurings proses om die regte kaders bymekaar te kry en om n hoof ondersoeker aan te stel wat die span in die regte rigting moet stuur vir n gunstigeuitslag. As mens ingedagte hou hoelank het dit die Serretikommisie gevat , kan hierdie nogal ‘n lang en ingewikkelde proses wees.

Llewellyn

Zuma het soos ‘n clown in ‘n sirkus voorgekom, nie soos ‘n president in die parlement nie.

Johann

Arrogante vermetelheid! Sy dom astrante houding van onaantasbare magsvertoon is om van naar te word. En hy kom weg met als wat hy sê en doen terwyl sy pionne en handpoppe die riel om him dans om hom en hul eie belange te beskerm. Hulle krap letterlik wat oor is van n verskroeide SA oop om die laaste te vat! GEWETENLOSE psigopate is bekend vir lieg en bedrieg sonder ommte skroom oor wat die gevolge op andrr mag wees, terwyl hulle hulself glo…en almal om hulle wil wysmaak dat hulle sinvol en logies en eerlik optree. Klink dit bekend?