Zuma se boek binnekort op die rak

Oudpres. Jacob Zuma se biografie sal binnekort op die rak beskikbaar wees.

Jacob Zuma Speaks – The Words of a President sal na verwagting in die tweede of derde week van Desember vanjaar vrygestel word, het die JG Zuma-stigting Donderdag op sosiale media bekendgemaak.

Volgens die stigting bevat die “langverwagte” boek “boeiende inligting”. “Besonderhede sal binnekort verskaf word.”

Jacob Gedleyihlekisa Zuma, gebore 12 April 1942 in Nkandla, KwaZulu-Natal, was die vierde president van Suid-Afrika en voormalige president van die ANC.

Hy is ‘n gewilde figuur, selfs oor politieke grense heen, maar word as omstrede gesien sedert sy finansiële adviseur, Schabir Shaik, skuldig bevind en veroordeel is weens korrupsie en bedrog. Hierdie gebeure het in Junie 2005 tot Zuma se afdanking as adjunkpresident van Suid-Afrika gelei. Nadat die leierskap van die ANC hom amptelik op 13 Februarie 2018 herroep het as president het hy eers geweier om te bedank, maar het tog die volgende dag sy uittrede aangekondig.

Zuma het op 29 Junie 2021 die eerste president sedert die einde van die witminderheidsregering in 1994 geword om tronkstraf opgelê te word. Die Konstitusionele Hof van Suid-Afrika het hom vir 15 maande gevonnis vir minagting van die hof nadat hy ‘n vroeëre hofbevel verontagsaam het om na die hof terug te keer om te getuig voor die Zondo-kommissie. Zuma is op mediese parool uit die tronk vrygelaat volgens ‘n aankondiging op 5 September 2021.

Zuma het ook op 8 Januarie 2012, na afloop van sy politieke toespraak by die ANC se 2012-eeufeesvieringe in Bloemfontein, die opruiende lirieke van die “skiet die Boer”-liedjie gesing. Dit is dieselfde liedjie waarvoor Julius Malema van haatspraak aangekla is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

36 Kommentare

jongste oudste gewildste
Kokerboom

Die skepsel was en is ‘n verleentheid vir land en het eiehandig die land amper verwoes..tog word as held gesien!!Dan nog die vermetelheid om ‘n boek die lig te laat sien..hy kan skaars lees of somme maak!! Skandelik verby!

Nick

haha. Hy kan nie lees of tel nie. Hoe het hy ‘n boek geskryf?? Dit gaan ‘n komiese riller wees. Kan nie wag!

Pietertjie

Hy is darem nie te soek of te armlastig om te skryf nie. Ek het nie geweet dat die man wél kan skryf nie. Dis nou as hy dit sélf geskryf het, bygesê.

Jacobus

Politieke inkleurboek – dis nuut!

Elna

Who cares,who is Zuma?