Zuma se dokters mis spertyd vir mediese verslag

Oudpres. Jacob Zuma tydens ‘n vorige hofverskyning. (Foto: Michele Spatari/ AP)

Oudpres. Jacob Zuma se dokters het die sperdatum gemis om ’n mediese verslag oor sy siektetoestand by die hooggeregshof in Pietermaritzburg in te dien.

“Ons kan bevestig dat hulle die sperdatum vir die indiening van die mediese verslag gemis het en die hof sal dit hanteer,” het adv. Mthunzi Mhaga, woordvoerder van die Nasionale Vervolgingsgesag (NVG) Dinsdag aan Maroela Media gesê.

Die hof het vroeër vandeesmaand ’n mediese verslag aangevra om Zuma se geskiktheid te bepaal om in die korrupsiesaak teen hom en die Franse wapenvervaardiger Thales te getuig.

Die mediese verslag moes op die laatste Vrydag (20 Augustus) ingedien word. Dit is nie seker wat die gevolge hiervan sal wees en of hulle die verslag wel later sal indien nie.

Die saak word nou op 9 en 10 September aangehoor nadat dit vroeër vandeesmaand weens Zuma se hospitaalopname uitgestel is.

Zuma is op 6 Augustus in ’n hospitaal opgeneem en daar is sedertdien talle vrae oor sy gesondheid. Hy het onlangs ’n operasie ondergaan maar dit is steeds nie bekend wat die oudpresident makeer nie.

Die hof het egter onlangs beslis dat die staat ʼn mediese praktisyn van sy keuse mag aanstel om Zuma te ondersoek en indien nodig bewyse te lewer oor sy geskiktheid om in die hof te verskyn en verhoor te word.

Zuma word deur 16 klagte in die gesig gestaar vir die 1999-aankoop van onder meer vegvliegtuie, patrolliebote en weermagtoerusting van vyf Europese firmas terwyl hy Suid-Afrika se adjunkpresident was.

Zuma dien tans 15 maande tronkstraf uit weens minagting van ʼn hofbevel om voor die Zondo-kommissie van ondersoek na staatskaping te getuig.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

35 Kommentare

jongste oudste gewildste
Misky

Nie Zuma, sy regspan of selfs dokters beskou hierdie saak as ernstig nie. Een van 2 dinge:
1. Of hulle voel vere vir regstelsel en sleepvoet houding of
2. Bloot eenvoudig onbevoeg en nie idee van wat hulle doen nie

Jan Seerot

Jy het nie iets “gemis “wanneer jy dit misgeloop het nie.
Verder gaan daar niks hiervan kom nie. NIKS!

Pieter

Wat kan ek se- HAHAHA. Hy koop hulle om.

Malan

Zuma maak wat hy wil en die howe aanvaar dit telkemale. Daar is iets drasties verkeerd met ons regstelsel.

Kobus

Die ding is nie siek nie speel net vir tyd hulle moet hom aan sy voete uit die kastige hospitaal gaan haal en terug smyt in die tronk waar hy hoort