Zuma se dokters moet sê wat hom makeer – hof

Oudpres. Jacob Zuma (Foto: Emmanuel Croset/AFP)

Die verhoor in die korrupsiesaak teen oudpres. Jacob Zuma en die Franse wapenvervaardiger Thales is Dinsdag wéér uitgestel. Dié keer weens Zuma se hospitaalopname.

Die verhoor sal nou op 9 en 10 September aangehoor word, hoewel Zuma se dokters ʼn mediese verslag voor volgende Vrydag (20 Augustus) moet indien.

Regter Piet Koen het ook die staat se versoek toegestaan dat die staat ʼn mediese praktisyn van sy keuse mag aanstel om Zuma te ondersoek en indien nodig bewyse te lewer oor sy geskiktheid om in die hof te verskyn en verhoor te word.

Zuma word steeds in ʼn hospitaal behandel nadat hy Vrydagoggend opgeneem is. Daar is nog geen duidelikheid rakende Zuma se gesondheidstoestand nie.

Adv. Dali Mpofu het vanoggend gesê die staat én die verdediging is in dié stadium nog in die duister oor Zuma se toestand aangesien ʼn pasiënt se mediese inligting vertroulik is.

Volgens Koen blyk dit egter dat die dokters reeds duidelikheid het oor Zuma se toestand en dat die verslag teen volgende week afgehandel kan word. Mpofu het op sy beurt gesê hy neem aan die dokters doen nog toetse en is in die proses om sy kliënt se toestand te bepaal.

Maroela Media het vroeër berig die saak is vanoggend virtueel aangehoor weens die oudpresident se hospitaalopname. Zuma was veronderstel om self in die hooggeregshof in Pietermaritzburg te verskyn nadat die hof sy aansoek om self in die hof vir sy korrupsieverhoor te wees toegestaan het.

Zuma wil versoek dat hoofaanklaer adv. Billy Downer hom aan die saak onttrek. Die oudpresident beskuldig die advokaat onder meer daarvan dat hy inligting aan die media laat uitlek het.

Zuma word deur 16 klagte in die gesig gestaar vir die 1999-aankoop van onder meer vegvliegtuie, patrolliebote en weermagtoerusting van vyf Europese firmas terwyl hy Suid-Afrika se adjunkpresident was.

Zuma dien tans 15 maande tronkstraf uit weens die minagting van ʼn hofbevel om voor die Zondo-kommissie van ondersoek na staatskaping te getuig.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

32 Kommentare

Dup ·

Dit is alles deel van n groter ANC plan.Die kaders sorg vir mekaar.

Malan ·

Daar is iets drasties verkeerd met ons regstelsel indien dit moontlik is vir enigiemand om soveel keer uitstel te kry om ‘n saak teen jou te vertraag.

Frik ·

Wel, ek dink ons moet spesifiek wees: Nie net enigiemand nie – ek en jy sal nie hierdie voorreg gegun word nie; in Orwell se woorde “all animals are equal, but some animals are more equal than others”.

JohanR ·

Die hele land weet wat hy makeer! Maar die hof gaan nie weg nie. Oor ‘n jaar, oor tien sal die hof nog vir jou wag.

miavos ·

Is ons seker daarvan dat Zuma die enigste een is wat onder kruisverhoor moet kom? Is hy nie juis siek van spanning omdat hy alleen die blaam moet vat nie?

Kobus ·

Hy is nou al hoe lank in die hotel , skuus hospitaal en die die dokters weet nie wat fout is nie? Dis nou vir jou ‘n ding.My ma sou gese het staan op,maak reg vir skool, jy het “ipie konders” wat dit dit ookal beteken het. Gee dit vir Zuma,sy planne hou nooit op nie.Moet ons nie dalk ‘n kompetisie begin en kyk wie voorspel die volgende “redes / verskonings” waarom hy nie gaan verskyn nie? En die regters trap klei.

annie ·

Enige mens van sy ouderdom neig na die een of ander skeet. Die probleem met die Zuma-debakel is dat hy nie vervolg is die eerste keer toe hy betrokke was by misdrywe nie ook nie toe Nkandla se opgradering plaasgevind het. Hoekom is Zuma as president aangewys? Sy gedrag moes in vroeër jare duidelik na vore gekom het, maar hy word in die top-pos aangewys en daarna woeker hy voort met klomp vroue en kinders by dosyne. Hy is die embleem/stensil van die ANC, vandaar sy gewildheid en mag en waarom sy aanhangers self onder die Big Six niks verkeerd wil sien in hom nie.

Keith ·

Never going to have his true day in court. He knows too much, actually the entire ANC top structure know they are as guilty as he is/was of corruption. He has no doubt threatened to expose them all.

Fanie ·

Verlede week is gesê dit was ‘n roetine ondersoek wat reeds geskeduleer was voor sy inhegtenisneming? Nou wie lieg nou? Dit is maar net hulle manier van doen om verantwoordbaarheid te ontduik. Volgende gaan ons seker hoor hy ly aan een of ander ongeneeslike en/of terminale siekte en kry mediese parool om by sy huis dood te gaan waarna hy dan weer kan aangaan met sy lewe.

Michael ·

Die concourt kan nie mense vonnis nie. Zuma behoort onmiddelik vrygelaat te word. CR hoort agter tralies

Stofdonkie ·

Ek het 2 redenasies hieroor, nommer 1, en regstelsel is so vertraag dat elke uitstel vir hom ‘n maand of twee gee tot ‘n volgende datum, hy het dus net 6 verskonings per jaar nodig dan het hy weer ‘n hele jaar gewen. My ander redenasie is dat Shabir Shaik dan vir dieselfde misdaad al reeds in die tronk gaan sit het, hoe is hy skuldig gewees en zuma nie, en dit terwyl dit oor dieselfde saak gaan waar hy en zuma die transaksies gedoen het. Ek volstaan by my gevoel dat ALLE mense in die regslui skelm is

Nozi ·

Ek dink dit is goed as die staat hul eie geneesheer aanstel om zuma te ondersoek. Ek is oortuig daarvan dat sy eie geneesheer al aan een of ander verskriklike lang termyn siekte vir hom uitgedink het.

marius ·

Daar is ‘n beroep waar die meerderheid pik donker togas aantrek om in die duister te dwaal .

Pieter ·

Die land se regters en die ANC werk saam nie almal van ons het net graad een nie.

Francois Le Cochon ·

In the left brain there’s nothing right, and in the right brain there’s nothing left.

Tokkel ·

Oompie Zumpie, moet versigtig wees vir die covid virus in hospitaal….. of is hy dalk nie in hospitaal?

Dana ·

Hy maak gewoonte daarvan om te vereis dat regslui hul onttrek aan sy sake. Eers Zondo nou Downer.

Frank John ·

Ag, wat ‘n mors van tyd en geld. Die hele land weet julle sal daai glibberige Zuma nooit voor stok kry nie. Waarom nog tyd mors. Stuur hom daar na sy gupta woonings oorsee en laat hom in rusting Heidi maar sy laaste dae afsluit. Dis seker die mees geskiedkundigste hofsaak wat al ooit in RSA aangepak is wat nie tot ‘n einde kan kom nie. Die hele ANC en al hul travante sal hom nooit kan vas trek nie.

KB ·

Hy het hom al lankal bewys as die meester van die leuenkuns, of dit nou plig-versaking, hof-ontduiking, ens. is, maak nie saak nie. Nou is hy weer kwansuis siek.
Wanneer gaan julle ‘n einde aan sy speletjies maak?

Jack ·

Net n herhaling van die sheik streke. Hy het weggekom en speel nou golf met sy sterwende lyf. Ook zuma gaan golf speel gee net kans.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.