Zuma se verjaardagwens vir SA

Pres. Jacob Zuma by die gedenkdiens vir die struggle-veteraan, Chris Hani, in Boksburg (10 April 2017). Foto: GCIS

Die presidensie het Woensdag gesê pres. Jacob Zuma sal vandag sy 75ste verjaardag met ʼn ANC-byeenkoms in Soweto vier.

Die feesviering sal plaasvind terwyl daar terselfdertyd ʼn massa-protesoptog teen Zuma in die Pretoriase middestad gehou word.

Die presidensie het ʼn verklaring uitgereik waarin hy Zuma gelukwens en gesê Zuma se verjaardagwens is om meer vordering te sien in die skep van ʼn beter lewe vir armes en die werkersklas.

“Ek wil sien dat ons meer vordering maak in ons stryd teen armoede en ongelykheid,” het Zuma in die verklaring gesê. “Ek wens ook ons kan die stryd teen rassisme in ons land wen. Ons is steeds toegewyd daaraan om ʼn nie-rassige samelewing te skep en sal aanhou werk om ons mense te verenig teen rassisme in al sy vorme.”

Betogers by die Nasionale Dag van Aksie-optog teen pres. Jacob Zuma in Pretoria (12 April 2017). Foto: ANA

Zuma het vroeër vandeesweek by die gedenkdiens vir die struggle-veteraan, Chris Hani, uitgevaar teen die optogte wat Vrydag landwyd gehou is om te eis dat hy uit sy amp verwyder word. Hy het gesê die optogte was ʼn bewys dat rassisme steeds ʼn werklikheid in Suid-Afrika is, omdat daar onder meer plakkate omhoog gehou is wat swart mense as bobbejane uitgebeeld het.

Die presidensie se verklaring het verder genoem Zuma is besig om voor te berei vir ʼn spesiale kabinetsvergadering om die huidige ekonomiese situasie in die land te bespreek.

“Die doel is om rolspelers en die hele land te verenig om oplossings te vind soos wat gedoen is toe die eerste ekonomiese krisis in 2008 ontstaan het, ʼn krisis wat nog skaars gedurende [Zuma] se twee ampstermyne gedemp kon word. Dit is verder vererger deur die onlangse kredietafgraderings,” lui die verklaring.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

27 Kommentare

jongste oudste gewildste
Blits

Zuma dit sou n moviese groot party gewees het as jy eerder bedank het. jou nalatingskap aan die jonger geslag is ” dis reg om te moor, plunder en korup te wees en jou land te veraai en jou mense (alle inwoners van SA)
O jy darem maar USELESS

Jaquie

Zuma is self die grootste rasis wat rassehaat aanblaas. Hy is besig om diecland rot en kaal te besteel en ge kamma om vir die armes en werkloses. Wat ‘n siek grap van ‘n mens is hy??!!

Eugene

Gesondheid mag hy val waar hy wil!

Vetsak

Ek hoor Zuma is te skaam dat die buitelanders moet sien dat hulle so betoog hier. Sy “party” is nou na ‘n ander venue geskuif.

Penellope Jones

Stel nie belang nie.