Zuma stel afskopfase van 50/50-boerderybeleid bekend

Argieffoto (Foto: AfriForum)

Argieffoto (Foto: AfriForum)

Pres. Jacob Zuma sal Saterdag amptelik die afskopfase bekendstel van ʼn beleidsraamwerk wat sal meebring dat boere en plaaswerkers mede-eienaars op plase word.

Bongani Ngqulunga, woordvoerder van die presidensie, het gesê die bekendstelling van die afskopfase van die beleidsraamwerk vir die versterking van die relatiewe regte van mense wat die grond bewerk, ook bekend as die 50/50-boerderybeleid, sal by die Westcliffe-plaas in die uMshwathi plaaslike munisipaliteit naby Greytown in KwaZulu-Natal plaasvind.

Volgens Ngqulunga het die departement van landelike ontwikkeling en grondhervorming saam met die Nasionale Bemagtigingsfonds gewerk om die “baanbreker-Westcliffe-plaasooreenkoms” te finaliseer. Die 514 ha groot Westcliffe-plaas bestaan uit 270 ha suikerrietlanderye, 140 ha houtwerkbedrywighede en 10 ha besproeiingskool. Hierdie boerdery sal nou gesamentlik deur die plaaseienaars en die plaaswerkers besit word.

Die 50/50-boerderybeleid is die eerste keer in 2014 deur Gugile Nkwinti, die minister van landelike ontwikkeling en grondhervorming, voorgestel as deel van pogings om te verseker dat plaaswerkers voordeel trek deur aandele te besit in die plase waarop hulle werk en hulle die sekuriteit van verblyfreg te gee.

“Die beleidsraamwerk poog om verblyfreg aan plaaswerkers te gee, terwyl grondeienaarskappatrone in die land getransformeer en werkers bemagtig word deur ook aandele in boerderye te hê,” het Ngqulunga gesê. “Die beleidsraamwerk poog ook om ekonomiese transformasie in die landbousektor teweeg te bring.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

45 Kommentare

jongste oudste gewildste
WHAT THE FUDGE???

So wie sal baas, en wie sal klaas wees? Wie gaan musiek maak en wie gaan dans?

Inge

Alles goed en wel, dan sall die plaaswerkers net soveel geld in die plaas moet stoot as die boer!! Hoekom moet die boer al die geld verskaf en die plaaswerkers trek net voorkeur daaruit? Nee, ek is sommer nou opgeklits!

Cherokee

Die rede vir 50/50 en nie 100% swart soos die EFF en DA-kiesers dit wil hê, is omdat hulle steeds wil ploeg met die blanke boer se kennis, ervaring en soos Inge sê, kapitaal.

Johan

Wie dra nou die finansiële risiko nou……ja en wie is in beheer nou eintlik

Potlood

So wat gebeur as een van die partye nie hulle kant bring nie? Hoeveel 50/50 kan daar wees as daar dalk 50 mense werk op die plaas?

Nee hel man, kom ons gee die Perde, beeste en hoenders ook sommer aandele, want hulle is ook mos werkers!!

Die logika van die mense in hierdie land is skokkend soos gewoonlik!!