Zuma-verbyvlug het meer as R200 000 gekos

Verbyvlug tydens die seremonie Foto: Antoine de Ras/Independent Newspapers/Pool (SAPA)

Verbyvlug tydens die seremonie Foto: Antoine de Ras/Independent Newspapers/Pool (SAPA)

ʼn SAL-vliegtuig se verbyvlug tydens pres. Jacob Zuma se inhuldiging by die Uniegebou in Pretoria vanjaar het belastingbetalers meer as R200 000 uit die sak gejaag.

Die SAL Airbus A340-600 se verbyvlug het skaars ʼn minuut lank geduur.

Lynn Brown, minister van openbare ondernemings, het Donderdag op ʼn vraag van DA-LP David Maynier in die parlement gesê die totale koste vir die vlug op 24 Mei, insluitend die oefenlopie die vorige dag, het R215 000 beloop.

Volgens die uiteensetting wat Brown gegee het, het die bemanning gratis opgetree “sonder vergoeding vir ete-uitgawes”, die lugverkeer en navigasiekoste is kwytgeskeld en daar was ook 90% afslag vir parkering- en landingsfooie.

Die grootste uitgawe was brandstof (bykans R140 000). Die res is aangewend vir instandhoudings- en bedryfskoste.

Klik hier om nog foto’s van die dag se gebeure te sien.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

4 Kommentare

Carel ·

Kom nou mense hier kan ons nie kla nie dit het al baie op vorige geleendhede gebeur met ander gebeure in ons land – hoekom is dit nou n probleem? omdat Zuma is?

Babs ·

Omdat die R215,000.00 uit die belastingbetalers se sak kom. As dit nou regtig ‘n heugelike gebeurtenis was, miskien ja. Leier van korrupte regering en hy kry soveel erkenning.

Elfie ·

@Carel – ja mense vergeet nou bietjie gou destyds met die rugby wêreldbeker was daar OOK ‘n verbyvlug gewees. En dit beteken nou nie ek is ‘n “fan” van Zuma nie en verpes die anc se vermorsing van geld maar, mens moet darem regverdig wees ook.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.