Zuma vereer oor hy ‘SA beter maak’

Voormalige pres. Jacob Zuma. Foto: Kopano Tlape/GCIS

Die National Funeral Practitioners Association of South Africa (Nafupa SA) sal voormalige pres. Jacob Zuma vereer vir sy “onbaatsugtige insette om Suid-Afrika ʼn beter land te maak”.

Nafupa SA het in ʼn verklaring gesê dié toekenning sal Donderdag aan Zuma oorhandig word.

Luidens die verklaring het die vereniging besluit om Zuma te vereer vir die ekonomiese en maatskaplike bydraes wat hy gedurende sy presidentstermyn gelewer het om Suid-Afrika “ʼn beter land” te maak.

“Nafupa SA is nie ʼn vreemdeling in die prentjie van radikale ekonomiese transformasie nie en ʼn voorstaander van regverdigheid en gelykheid in die hoofstroom-ekonomie namens ondernemings in swart besit. Gedurende die toekenningsgedeelte van die program sal daar nie net ʼn toekenning aan mnr. Jacob Zuma oorhandig word nie, maar 17 organisasies wat bewys het ‘swart uitnemendheid’ bestaan beslis, sal ook vereer word.”

Muzi Hlengwa, president van Nafupa SA, het ook Zuma se lof besing. “Ons sien uit [na die toekenningsgeleentheid] omdat dit in ons beste belange as organisasie is om die nalatenskap van Jacob Zuma te vier en te omarm. Hy is ʼn verpersoonliking van wat ons glo ʼn vreeslose leier is wat nie sy land en mense tydens die struggle-tydperk uitverkoop het nie, ondanks uitdagende tye,” het Hlengwa gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

40 Kommentare

jongste oudste gewildste
Johann

Whahahhaaaaaa!!!!!!! JA SHURE! Dankie Zuma vir die gat wat jy ons land lewend in ge neuk het en probeer toegooi het met jou absurde praktyke… beslis n begrafnis status om op trots te wees.

Lag lag

Hoe lekker lag ek nou

Jerry

En dit is hoe anargiste dit sien. Die teenoorgestelde van die waarheid! Verstaan dit en jy verstaan wat vir SA voorle.

t

Ek verstaan waar dit vandaan kom. Onder sy “lyding” het begrafnisondernemers ‘n wonderlike “bloei” tyd gehad. ±60 per dag is glad nie slegte besigheid nie…

Genieve

Nou het ek als gehoor..belaglik vereer nogals hyt ons land in n verleentheid gelos.