Zuma versoek beter rasseverhoudings in Coligny, Ventersdorp

Pres. Jacob Zuma tydens die Jeugdagvieringe in Ventersdorp (2017) Foto: @PresidencyZA, Twitter

Rassisme is ʼn siekte van apartheid wat genees moet word, het pres. Jacob Zuma Vrydag gesê.

“Die jeug, swart en wit, moet saam staan in die stryd teen rassisme in die land en ʼn werklik verenigde, nierassige samelewing bou,” het hy gesê toe hy die inwoners van Ventersdorp toegespreek het tydens Jeugdag-vieringe.

“Ons het ʼn jong persoon, Malthomola Moshoeu, hier in Coligny in Noordwes verloor. Hy is gewelddadig vermoor. Die omstandighede rondom die moord sal deur die hof bepaal word en ons moet die reg die geleentheid bied om sy gang te gaan.”

Hy het gesê Moshoeu se afsterwe moet die mense van Coligny verenig in die toewyding om rassisme te oorwin deur saam te werk.

Die seun is op 20 April oorlede. Twee boere, Pieter Doorewaard (26) en Phillip Schutte (34), is in hegtenis geneem in verband met sy afsterwe. Hulle is vrygelaat op borgtog van R5 000 elk. Hulle sal na verwagting weer op 26 Junie in die hof verskyn. Die boere voer aan Moshoeu het sonneblomme gesteel en van ʼn bewegende bakkie afgespring toe hulle hom na ʼn polisiestasie wou neem. ʼn Ooggetuie het aangevoer hy het gesê Matlhomola is uit die bewende motor gegooi. Sy afsterwe het tot gewelddadige betogings in Coligny gelei.

“Ons hou die 16 Junie-herdenking in Ventersdorp, wat sy eie hartseer geskiedenis het van rasseverhoudinge, gegewe die invloed van ʼn voormalige inwoner van die dorp,” het Zuma gesê, met verwysing na AWB-leier Eugène Terre’Blanche.

“Terselfdertyd het Ventersdorp ʼn positiewe geskiedenis, omdat oom JB Marks nou hier begrawe is. Kom ons bou ʼn nierassige dorp waar Suid-Afrikaners mekaar respekteer en ʼn beter toekoms saam bou, ter nagedagtenis aan Oliver Tambo en JB Marks.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

30 Kommentare

jongste oudste gewildste
Landi Maree

Ag hemel hy het van bakki gespring in di ry want hy geweet hy skuldig. Nou kry rasisme di skuld nee dit is ni rasisme dis di maak n breek n aanrand en afbrand en moor en wegkom daarmee. Di land kort n leier wat omgee vir di land se voortbestaan n ni net vir eie gewin. Iemand jonger wat omgee

Pieterlewismuts

Ek haal aan. “Hy is.geweldadige vermoor”.
Twee insig te vir oorweging.
1. Almal aanvaar in RSA dat jy onskuldig is totdat die hof jou skuldig bevind, behalwe as dit andets in Mnr Zuma se agenda pas.
Dit is nou “Fighting talk” was my heel eerste reaksie toe ek dit lees.
2. Om in teenstelling met 1. hierbo nou te pleat vir beter rasseverhiudings is n weerspteking daarvan.
Dit is die soort van taal wat voor verkiesings gebruik word.
Besluit self wat om daarmee te maak as Mnr Zuma sy.mond oopmaak.

Reti

Wat kan mens sê? Volgens mý waar ék werk en waar ék beweeg is rasseverhoudinge BAIE goed. Net as die persoon genaamd Zuma sy mond oopmaak voel ek ook na GEWELDADIGE MOORD. Hoe kan hy sê die kind is geweldadig vermoor? Is die hofsaak verby? Wat van al die boere wat GEWELDADIG VERMOOR is? Rek hy sy mond (bek) daaroor? Hy hou so daarvan om rasse onenigheid te stig want dit pas hom. Ek gaan aangekla word van laster as ek enigsins aangaan. Asb Zuma. Sjurrup net.

Eugene

Hy veroorsaak rasse konflik deur sy uitsprake om die aandag van sy korrupsie aftelei.

Eish

Ek kan nie politici en Baalpriesters hanteer nie! Geen melding word gemaak van die vernietigingswerk wat op die dorp neergedaal het na die ” geweldadige moord” nie. Die man is slegs die president van die land waar ek toevallig woon. Dis al!