Zuma vra jeug om land vorentoe te neem

Pres. Zuma tydens sy Jeugdag-toespraak. Foto: ANA

Pres. Zuma tydens sy Jeugdag-toespraak. Foto: ANA

Pres. Jacob Zuma het by Jeugdagvieringe in Soweto gesê die land vier vandag die heldhaftigheid van studente wat opgestaan het teen die apartheidstaat en geveg het vir hul regte en die bevryding van hul land. Hy het beklemtoon die land het ʼn ver pad gestap sedert Junie 1976 en die stryd en opofferings van die klas van 1976 was nie verniet nie.

Volgens Zuma leef ons vandag in ʼn lewendige demokrasie en sterk en demokratiese staatsinstellings is met harde werk gebou. “Ons leef in ʼn land waar vryheid van uitdrukking, assosiasie en die media verskans word in die Grondwet waar ons weet ons sal nie geskiet en vermoor word as ons ʼn vreedsame optog hou om ons griewe te lug nie.”

Die staat verskaf basies dienste aan mense om hul lewensgehalte te verbeter en miljoene mense het nou toegang tot water, elektrisiteit, behuising, hospitaalsorg, gehalte-onderrig en ander dienste, het hy gesê. “Ons weet sommige mense wag nog vir die dienste wag weens die agterstand in dienslewering.”

Die apartheidsregime het die land en sy ekonomie erg benadeel deur die meerderheid van die bevolking kwaliteit onderrig te weier, het Zuma gesê. “Die apartheidsregering het onderwys as ʼn instrument van onderdrukking gebruik terwyl die demokratiese regering besluit het om onderwys ʼn instrument van bevryding te maak. Onderwys is ʼn topprioriteit en ontvang die grootste deel van die nasionale begroting.”

Hy het gesê 80% van openbare skole bied nou gratis onderrig aan en nege miljoen kinders is kwytgeskel van skoolgeld. “Armoede moet nie ʼn kind verhoed om onderrig te ontvang nie.” Volgens Zuma bou die regering drie nuwe universiteite en 12 tegniese kolleges om groter toegang tot hoër onderwys te bied.

Zuma het weer na gewelddadige betogings verwys en gesê dit bedreig die “sosiale struktuur van ons samelewing”. “Ons moet onthou nie ʼn enkele skool is afgebrand tydens die 16 Junie 1976 studente-betogings nie. Ongelukkig het ons die afgelope tyd aaklige voorvalle gesien. Studente het die ondenkbare gedoen en universiteitsgeboue afgebrand, net om te wys hulle kan nie klasgelde bekostig nie. Dit is onaanvaarbaar en onvergeeflik.”

Die president het jong mense aangemoedig om tydens die komende munisipale verkiesing te stem en “sodoende hul reg waarvoor talle dood is” uit te oefen. “Ons vertrou op julle as die jeug om Suid-Afrika vorentoe te vat met die kragtigste wapen van almal, naamlik onderwys.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
dries

Ja nie n enkele skool is toe afgebrand nie, en by Marikana, laat jy mynwerkers doodskiet. Dus jou regime is erger as apartheid, tyd dat iemand jou verwyder! Jy staan in die pad van vooruitgang, beter gestel jy staan vir selfvernietiging.

Johann Marx

“…..en miljoene mense het nou toegang tot water, elektrisiteit, behuising, hospitaal sorg, gehalte onderrig en ander dienste…” Sou dit nie ook fantasies gewees het as ons 17 miljoen meer siele gehad het om te help dra aan die belasting las wat nou deur 10% van die populasie gedra word nie? As ons al die bakstene wat tans in “veiligheidsmure” ingebou is om misdaad te bekamp, nie nodig gehad het nie…..was daar genoeg bakstene in hierdie land om vir elke daklose inwoner ‘n huis te bou.

johann cb

Ek wonder wie hierdie “toespraak” vir die ou skepsel geskryf het!

humor

Aag , nouja.

John

President Zuma praat net met die swart jeug. Daar is geen ‘wit’ in sy toekomsberekeninge nie. Baie witmense gooi hulle voor die voete van die nuwe eienaars van die land en word deur die swartes verag. Hierdie groep moet ophou om namens ander Afrikaners te praat. Hou eers ‘n referendum of stig die Wit Nappy Party. Die Afrikaners se taal en kultuur is nie te koop nie en nog minder sal dit, selfs met petrol oor, op die brandstapel in vlamme en rook vergaan.