ʼn Internetprogram wat plaaslik ontwikkel is, het Woensdag uit meer as 100 000 inskrywings ʼn gesogte toekenning in Amerika ontvang.
Die program, PriceCheck, wat deur Naspers besit word, het die International App of the Year-toekenning by die BlackBerry Live-konferensie in Florida losgeslaan, berig Business Day.
PriceCheck is ʼn internetprogram wat spesifiek vir Suid-Afrikaanse verbruikers ontwikkel is sodat mense wat oor die internet inkopies doen, verskillende pryse kan vergelyk. Die program neem ook wisselkoerse en belasting in ag.
– Sapa