Sacharovprys vir 16-jarige Pakistanse heldin

Malala Yousafzai

Malala Yousafzai

Die 16-jarige Malala Yousafzai van Pakistan wat swaar gewond is toe die Taliban haar weens haar stryd vir meisies se toegang tot onderwys deur die kop geskiet het, het die Europese Sacharovprys vir meningsvryheid ontvang.

Malala het wêreldwyd ‘n ikoon geword toe sy in weerwil daarvan dat die Taliban steeds op haar jag maak, nie van haar oortuigings afgewyk het nie.

Sy is die jongste persoon aan wie die prys nog toegeken is.

Sy is ook ‘n gunsteling om môre as die Nobelvredespryswenner aangewys te word.

Die Sacharovprys het haar 50 000 euro’s in die sak gebring, en word jaarliks deur die Europese parlement toegeken.

Oud-pres. Nelson Mandela is ‘n voormalige wenner van die prys, wat in 1988 aan hom toegeken is.

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Hoofnuus, Nuus, Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Amy ·

Baie geluk Malala!! Sommer trots op jou. En baie sterkte vir die toekoms. Jy verdien beslis die prys.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.