Een van Mango se vliegtuie
Die Suid-Afrikaanse Lugdiens (SAL) en die laekostelugredery Mango het hul vlugooreenkoms verleng.
“Die twee lugrederye het Vrydag die ooreenkoms oor gedeelde vlugte tussen Kaapstad en Durban en tussen Lanseria-lughawe en Kaapstad verleng,” het Tlali Tlali, woordvoerder van SAL, Dinsdag in ʼn verklaring gesê.
Die ooreenkoms sluit vlugte tussen Johannesburg en Kaapstad, Durban, Port Elizabeth en George in. “Roetes tussen Kaapstad en Bloemfontein, en Kaapstad en Port Elizabeth sal ook ingesluit word,” het Tlali gesê.
Nico Bezuidenhout, hoof uitvoerende beampte van Mango, het die verlenging verwelkom.
Mango se kaartjies sal met “JE” gekodeer word en SAA se kaartjies met “SA”.
Die oorspronklike ooreenkoms is in 2010 onderteken.
