Die Onafhanklike Verkiesingskommissie (OVK) is besig om die land se verkiesingswette aan te pas sodat Suid-Afrikaners wat in die buiteland woon in volgende jaar se algemene verkiesing kan stem.
Volgens die SAUK is die konsep verkiesings-wysigingswetsontwerp reeds deur die kabinet goedgekeur. Die publiek het tot 22 Junie geleentheid om kommentaar op die voorgestelde veranderings te lewer. Mosotho Moepya, die hoof uitvoerende beampte van die OVK, het gesê Suid-Afrikaners wat hulself om welke rede in die buiteland bevind, sal in die toekoms in nasionale verkiesings kan stem. Hulle sal met ‘n geldige identiteitsdokument en paspoort vir ‘n spesiale stem kwalifiseer.
Bron: RSG