Mkhonzeni “Professor” Langa. Foto: mio.co.za
ʼn Kwaito-sanger is dalk in die moeilikheid omdat hy oor die naweek in Durban by die Metro Music-toekennings in ʼn polisieuniform opgedaag het.
Volgens die wet is dit ʼn misdryf vir enigiemand wat nie ʼn polisiebeampte is nie, om ʼn polisieuniform te dra. Spesiale toestemming is daarvoor nodig.
Senior superintendent Eugene Msomi, woordvoerder van die eThekweni-metroplisie, sê hy twyfel of die sanger, Mkhonzeni “Professor” Langa, die nodige toestemming gekry het. Langa het twee toekennings tydens die spoggeleentheid gekry.
Msomi sê die saak gaan beslis ondersoek word. As Langa skuldig bevind word kan hy ʼn swaar boete opgelê word of tot ses maande tronkstraf gevonnis word.
Hy gaan net se hy het nie geweet nie, en niks oorkom nie!!