Sangoma trou wéér met 13-jarige

ʼn Sangoma van Limpopo is vir ʼn tweede keer in hegtenis geneem nadat hy weer met ʼn 13-jarige meisie getrou het.

Kol. Ronel Otto, woordvoerder van die polisie, sê die sangoma is aanvanklik in Januarie in hegtenis geneem nadat sy verhouding met die 13-jarige meisie aan maatskaplike werkers gerapporteer is. Die saak teen hom is egter later teruggetrek en die 13-jarige meisie is in ʼn plek van veiligheid geplaas. Die sangoma het verlede week die meisie by die plek van veiligheid besoek en hom as haar oom voorgehou. Hy het die meisie glo help ontsnap waarna hy weer met haar getrou het. Die sangoma en die meisie se ma is in hegtenis geneem en sal Maandag in die Morokeng-landdroshof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.