Die e-tolwinkel op 27 November 2013 in Maponya Mall Foto: SAPA
Die Bondgenootskap teen Stedelike Tol (Outa) het Woensdag gesê daar is ʼn reuse verskil tussen teësinnige nakoming van en die entoesiastiese ondersteuning van die e-tolstelsel.
“Die omvang van die Suid-Afrikaanse Nasionale Padagentskap (Sanral) se skakelwese-veldtog het ontaard in ʼn growwe versinsel wat gemotiveer is deur Sanral se desperate poging om die indruk van entoesiastiese ondersteuning te skep,” het Wayne Duvenage, voorsitter van Outa, gesê. “Daar was al talle voorbeelde van wanvoorstelling deur Sanral, en hierdie jongste misleiding is nóg ʼn voorbeeld wat hul geloofwaardigheid skend.”
Die Suid-Afrikaanse Kamer van Handel en Nywerheid (Sacci) het Dinsdag gesê die organisasie is steeds teen e-tol weens die hoë invorderingskoste en algemene las op die ekonomie. “Ons raai egter ons lede aan om aan die wet te voldoen wanneer dit op 3 Desember in werking tree, weens die hoë tariewe wat gehef gaan word wanneer ʼn motoris nie daaraan voldoen nie,” het Neren Rau, hoof uitvoerende beampte van Sacci, gesê.
Vusi Mona, woordvoerder vir Sanral, het Dinsdag Sacci se ondersteuning vir e-tol verwelkom.
Intussen was e-tolwinkels Woensdag in winkelsentrums regoor Gauteng baie stil voor die aanvang van dié omstrede stelsel volgende week.
SAPA-joernaliste het Woensdag onderhoude gevoer met klante buite die e-tolwinkels. Van die klante het aangedui dat hulle slegs ʼn e-tolskyfie aanskaf “om te voldoen aan die wet” en “om nie so duur te betaal nie”. Talle klante was nog onseker hoe die stelsel gaan werk en waarom hulle moet betaal.
Droom maar voort, sinkende skip !!!
Gee die Keiser wat hom toekom.
Mmm………, wat kom die Keiser toe Stinkvinger?
Die MIDDEL vinger?
Wat hy toekom….Ok = Zero.
Jy verdien ‘n Bells!!
Vusi Mona het jy nie bedank op n staduim … en sien die sous trein is lekker en jou bedanking teruggetrek? ….. Jammer as ek verkeerd is oor jou bedanking maar glo nie. Nee wat ou grote julle is op die Titanic van die regering … net die verskil hy gaan vinniger sink!