Die ministerie van polisie het Woensdag kritiek deur die Instituut van Sekerheidstudies (ISS) oor die jongste misdaadstatistiek verwerp.
“Ons verwerp die ISS se argument dat die statistiek nie verteenwoordigend is van die misdaadsituasie in die land nie. Ons volstaan met ons statistiek,” het Zweli Mnisi, woordvoerder van die ministerie, gesê.
Die ISS het gesê die statistiek is foutief weens onakkurate bevolkingstatistiek wat gebruik is om die verandering in misdaadratio’s tussen 2011/12 en 2012/13 te vergelyk. “Ons het die bevolkingsgroei en -ratio van alle misdaadkategorieë nie uit ons duime gesuig nie, aangesien ons die sensusgetalle van Statistiek SA gebruik het,” het Mnisi gesê. “Die polisie sal nie verkeerde statistiek bekend maak nie.”
Gareth Newham, hoof van die misdaad- en justisie-afdeling by ISS, het gesê die misdaadstatistiek wat in September deur die polisie bekend gemaak is, is nie korrek bereken nie. “Die gevolg van die fout is dat dit die omvang van die toename van ernstige en gewelddadige misdaadkategorieë onderbeklemtoon, terwyl kategorieë wat afgeneem het, oorbeklemtoon word,” het Newham gesê. Klik hier om meer te lees.
Die ministerie het seker kritiek deur die ISS verwerp en nie kritici deur die ISS nie.
Dagsê Rudie
Dankie, jy is natuurlik heeltemal reg. Ons bring die wysiging aan.
Groetnis