Selfmoordkoers baie hoog in SA

Suid-Afrika se selfmoordkoers is hoër as Engeland of Amerika s’n, het Suid-Afrika se Depressie en Angsgroep (Sadag) Saterdag gesê.

Eyewitness News berig dat 22 mense daagliks selfmoord pleeg in Suid-Afrika, terwyl meer as 200 mense probeer om selfmoord te pleeg. Cassie Chambers van Sadag het gesê dat baie gevalle in Suid-Afrika nie gerapporteer word nie as gevolg van die stigma wat daaraan kleef.