Die Johannesburgse metropolisie het Donderdag bevestig dat een van hul senior beamptes in die Rabie Ridge omgewing selfmoord gepleeg het.
Volgens Wayne Minnaar, ʼn woordvoerder van die metropolisie, is inligting nog skaars en is hulle besig om die voorval te ondersoek. “Ek kan bevestig dat ʼn superintendent van die metropolisie selfmoord gepleeg het, maar ek kan nie sy identiteit bekend maak nie, aangesien sy naasbestaande nog nie in kennis gestel is nie,” het Minnaar aan EWN gesê.
