Ses begrawe in sneeustorting

Polisie sê ses buitelandse toeriste is in ʼn sneeustorting in die noorde van Noorweë begrawe.

Thorstein Skogvang, prokureur vir die polisie, het gesê een van hulle is lewend uitgegrawe, en reddingswerkers soek steeds na die vyf ander. Hy sê hulle het seine van vier van die sneeustortingsenders wat in die sneeu begrawe is, ontvang. Die polisie sê uit voorlopige inligting blyk dit dat die toeriste van Frankryk afkomstig is en dat hulle deel was van ʼn groep van 12 mense wat Maandag naby Tromsoe op Noorweë se Arktiese kus gaan ski het. Polisie en militêre helikopters is na die gebied gestuur.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae