Ses mense is Saterdagaand dood na ʼn botsing tussen ʼn motor en ʼn vragmotor in Ermelo, Mpumalanga.
Joseph Mabuza, woordvoerder van die provinsiale departement van gemeenskapsveiligheid, sê die motor en die vragmotor het reg van voor gebots. Die ses oorledenes was almal insittendes van die motor. Die bestuurder van die vragmotor is lig beseer en na die Ermelo-hospitaal geneem vir verdere behandeling. Mabuza sê die ongeluk het op die R36 tussen Ermelo en Breyten plaasgevind.