Ses wat glo Madiba-naam toeplak se saak uitgestel

Die verhoor van ses mans wat na bewering oud-president Nelson Mandela se naam op padborde in Pretoria met dié van Clive Derby-Lewis vervang het, se saak is in die Pretoria landdroshof tot aanstaande jaar uitgestel.

Die staatsaanklaer, Sipho Letsoalo, het gevra dat die saak tot 27 Januarie uitgestel word aangesien die hof nog geen riglyne van die Nasionale Vervolgingsgesag ontvang het nie. Die ses mans is vroeër op borgtog van R1 000 elk vrygelaat. Die ses mans is Jan Beyers (31), Ben Geldenhuys (38), Tommy Harmse (33), Ewald Graefe (30), Cobus Pretorius (25) en Rian Combrink (27). Die mans is in Julie vanjaar in hegtenis geneem nadat hulle glo op kringtelevisie betrap is waar hulle plakkers met Derby-Lewis se naam oor dié van Nelson Mandela se naam op padborde in Sunnyside in Pretoria geplak het. Hulle word van openbare geweld, opsetlike saakbeskadiging en die oortreding van die Padverkeerswet aangekla. Derby-Lewis dien lewenslank tronkstraf uit vir sy aandeel in die moord op die SAKP-leier, Chris Hani.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.