ʼn Sewejarige seun is Woensdagoggend in Elsiesrivier, Kaapstad geskiet en gewond terwyl hy op pad was skool toe.
Lt.kol. Andre Traut, woordvoerder van die polisie, sê die sewejarige seun het saam met ʼn 17-jarige seun skool toe gestap. Die ouer seun is ook tydens die voorval geskiet en gewond. Albei is na ʼn nabygeleë hospitaal geneem vir verdere behandeling. Traut sê niemand is nog in hegtenis geneem in verband met die voorval nie.
