‘n 14-jarige seun is in ‘n kritieke toestand nadat hy Dinsdagoggend glo voor ‘n trein by die Merebank-treinstasie in Durban, KwaZulu-Natal, ingestamp is.
“Volgens ooggetuies is die seun voor ‘n trein ingestamp,” het Chris Botha, woordvoerder van Netcare911, gesê. Hy het op die spoor voor die trein beland. “Die trein het oor die kind se been gery.” Nadat paramedici die tiener stabiliseer het, is hy met ‘n ambulans na ‘n nabygeleë hospitaal geneem vir verdere behandeling.
Verdere inligting is nie tans beskikbaar nie.